Шарлёттаўн

Шарлёттаўн
Населены пункт
Шарлёттаўн узімку
Сьцяг Герб
Краіна	Канада
Правінцыя	Востраў Прынца Эдўарда
Дата заснаваньня	1764
Горад з	17 красавіка 1855
Кіраўніцтва і ўлада
Мэр	Кліфард Д. Лі
Геаграфія
Плошча	44,33 км²
Вышыня НУМ	49 м
Часавы пас	UTC-4 UTC-3 (летні час)
Каардынаты	46°14′ пн. ш. 63°09′ з. д.
Насельніцтва
Колькасьць	32 174 чал. (2006)
Этнахаронімы	Charlottetonian
Лічбавыя ідэнтыфікатары
Тэлефонны код	+1-902
Паштовы індэкс	C1A
Сайт	charlottetown.ca (анг.)
Шарлёттаўн на мапе Канады Шарлёттаўн

Шарлёттаўн (па-ангельску: Charlottetown) — сталіца і найбуйнейшы горад самай дробнай канадзкай правінцыі Востраў Прынца Эдўарда.

Насельніцтва — 32 174 жыхары (2006), мэтраполіі — 58 625 чалавек, у асноўным, беласкурыя. Больш за 91% — хрысьціяне, большасьць — каталікі і пратэстанты.

На месцы гораду раней былі індзейскія паселішчы (мікмакі). У 1720 годзе французы заснавалі цьвердзь, якая ў 1758 годзе перайшла пад кантроль ангельцаў. Сам Шарлёттаўн, названы ў гонар жонкі Георга III і будучай бабулі каралевы Вікторыі Шарлёты Мэкленбург-Страліцкай, быў заснаваны ў 1764 годзе, статус гораду атрымаў 17 красавіка 1855 году.

Горад таксама вядомы правядзеньнем у 1864 годзе канфэрэнцыі дэлегатаў ангельскіх і паўночнаамэрыканскіх калёніяў, якая заклала пачатак утварэньню Канадзкай канфэдэрацыі.

Шарлёттаўн інтэнсіўна наведваецца турыстамі, у горадзе захавалася шмат славутасьцяў канца XVIII—XIX стагодзьдзяў. Акрамя таго, у Шарлёттаўн часта заходзяць круізныя судны.

Клімат, як і па ўсім востраве, мяккі і вільготны, моцны ўплыў на надвор’е аказвае Атлянтычны акіян. Тэмпэратура студзеня-лютага — каля −7 °C, ліпеня-жніўня — +17-+18°С. Узімку назіраюцца адлігі і сьнегапады. Улетку пахмурна і дажджліва.

Вонкавыя спасылкі

Шарлёттаўн — сховішча мультымэдыйных матэрыялаў