Шавец (фільм)

	Шавец
	па-ангельску: The Cobbler
Жанр	кінакамэдыя, драматычны фільм і фэнтэзійны фільм[d]
Рэжысэр	Том Макарці[d];
Сцэнарыст	Том Макарці[d]; Пол Сада[d];
Прадусар	Мэры Джэйн Скалскі[d];
У ролях	Адам Сэндлер[d]; Стыў Бушэмі; Дастын Гофман; Дэн Стывэнз[d]; Мэлані Дыяс[d]; Method Man[d]; Элен Баркін[d]; Лін Коэн[d]; Кевін Брэзнаган[d]; Джоі Злотнік[d]; Юл Васкес[d]; Глен Флэшлер[d]; Дэша Паланка[d]; Грэта Лі[d]; Фрыц Ўівэр[d];
Кампазытар	Джон Дэбні[d];
Апэратар	Мот Гапфэл III[d];
Мантаж	Том Макардл[d]
Распаўсюд	Image Entertainment[d], Big Bang Media[d] і Netflix
Дата выхаду	2014 і 12 сакавіка 2015
Працягласьць	99 хвіліна
Краіна	ЗША;
Мова	ангельская мова
	Старонка на IMDb

«Шаве́ц» (па-ангельску: The Cobbler) — камэдыйна-драматычны фільм ЗША 2014 году з элемэнтамі магічнага рэалізму. Рэжысэрам стужкі быў Том Макарці, які поруч з Полам Сада напісаў сцэнар. У фільме Адам Сэндлер выканаў ролю шаўца, які можа ўзяць аблічча каго заўгодна, надзеўшы ягоныя чаравікі. У фільме таксама здымаліся Кліф Сьміт, Элен Баркін, Мэлані Дыяс, Дэн Стывэнз, Фрыц Ўівэр, Юл Васкес, Стыў Бушэмі і Дастын Гофман.

Прэм’ера «Шаўца» адбылася на Міжнародным кінафэстывалі ў Таронта ў 2014 годзе, дзе ён быў паказаны ў разьдзеле адмысловых прэзэнтацыяў. У кінатэатры ЗША трапіў 13 сакавіка 2015 году. Твор атрымаў няўхвалу ад крытыкаў ды стаў касавым правалам, назьбіраўшы 6,5 мільёнаў даляраў пры бюджэце ў 10 мільёнаў даляраў.

Сюжэт

Прапусьціць

Увага: ніжэй знаходзіцца зьмест, які раскрывае сюжэт твору.

Фільм пачынаецца ў шавецкай майстэрні ў Нью-Ёрку ў 1903 году, дзе купа габрэяў абмяркоўваюць бандыта, які перасьледуе іхныя сем’і і справу. Шавец Пінкас Сімкін нясе пару чаравікоў злодзея да адмысловай швачнай машыны і тлумачыць свайму сыну, наколькі яна важная.

У наш час праўнук Пінкаса Макс Сімкін (Адам Сэндлер) працуе шаўцом, трымаючы ўласную лаўку. Ягоны сябар Джымі (Стыў Бушэмі) працуе побач і трымае цырульню. Макс здаецца ня вельмі зацікаўлены ва ўласнай справе, жыве з сваёй хворай маці Сарай (Лін Коэн) і сумуе па бацьку Абрагаму (Дастын Гофман). Мясцовы бандыт Леон Ладлоў (Кліф Сьміт) прыносіць яму свае чаравікі на направу. У Макса выходзіць з ладу ягоная швачная машына, таму ён выкарыстоўвае старую машыну свайго продка Пінкаса. Макс прымярае напраўлены абутак Ладлоў і ператвараецца ў яго. Зрузумеўшы, што можа рабіць магічная машына, Макс экспэрымэнтуе з тым, каб быць іншым, то бок гэтак ён едзе ў Чайнатаўн як кітаец, ходзіць у рэстаран як адзін чалавек і сыходзіць як іншы, не плоцячы за ежу. Макс вырашае парадаваць сваю маці, скарыстаўшыся чаравікамі свайго бацькі. Вячэра з Сарай у ролі Абрагама дае ёй яшчэ адзін шчасьлівы вечар.

На наступную раніцу Сара памерла, у выніку чаго Макс не правацаваў наступны тыдзень. Калі ён вяртаецца на працу, Ладлоў патрабуе абутак, зьневажаючы ягоную памерлую маці. Выкарыстоўваючы некалькі параў абутку, каб замаскавацца, Макс рушыць за Ладлоў і заходзіць у ягоную кватэру, каб забраць калекцыю гадзіньнікаў. У наступным Макс зьвязваецца ня толькі з самім Ладлоў, але і купай бандытаў, а таксама махляркай Элэйн Грынаўолт (Элен Баркін). Макс трапляе ў шэраг нязручных сытуацыяў, але магічным чынам усё для яго лёгка разьвязваецца. Калі, здаецца жыцьцё Макса нармалізуецца, ён зноў трапляе ў непрыемнае здарэньне, але прачынаецца ў цырульні Джымі. Сябар прызнаецца, што ён насамрэч ягоны бацька Абрагам, а сапраўдны Джымі даўно жыве ля Карыбскага мора. У захапленьні і ў гневе Макс абдымае бацьку, а Абрагам паказвае сыну сваю велізарную калекцыю абутку. Пасьля ён возіць сына па горадзе на сваім лімузіне, распавядаючы яму гісторыю пра тое, як швачная машына зьявілася ў іхняй сям’і.

Тут скончваецца зьмест, які раскрывае сюжэт твору.

Крытыка

«Шавец» быў блага сустрэты крытыкамі. На агрэгатары аглядаў Rotten Tomatoes фільм атрымаў рэйтынг 10%, базуючыся на 72 аглядах, зь сярэднеўзважаным балам 3,2/10. Паводле крытыкаў парталу фільм уяўляе сабою невялікі крок наперад у параўнаньні з папярэднімі камэдыямі Адама Сэндлера, але, не зважаючы на тое, што настрой кінастужкі ёсьць больш прымальны ў параўнаньні да звычайнага грубага гумару, ён усё яшчэ ня вельмі пераканаўчы^[8]. На Metacritic кінастужка назьбірала 23 пункты з 100 мажлівых, грунтуючыся на 22 водгуках, што сьведчыць пра неўхвальнае прыняцьцё^[9].

Крыніцы

Вонкавыя спасылкі

Шавец (анг.) на сайце IMDb
Шавец на сайце «Rotten Tomatoes» (анг.)
Шавец на Metacritic

[_1c1dc86b62bcfde3-1] а ^б http://www.imdb.com/title/tt3203616/

[_3107a9287d04d56f-2] а ^б http://www.metacritic.com/movie/the-cobbler

[_4de258ef679f3183-3] ttp://www.bbfc.co.uk/releases/cobbler-film

[_f47b68a8c9b521bd-4] ttp://www.mafab.hu/movies/the-cobbler-145334.html

[_887a6cbeccf1463a-5] а ^б ^в ^г ^д ^е ^ё ^ж ^з ^і ^к ^л ^м ^н Чэхаславацкая кінабаза (чэс.) — 2001.

[_10dd4c5a5bdcc2ad-6] а ^б http://nmhh.hu/dokumentum/169802/premierfilmek_forgalmi_adatai_2015.xlsx

[_bff0230410bdec6f-7] а ^б http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx

[8] «The Cobbler». Rotten Tomatoes.

[9] «The Cobbler Reviews». Metacritic.

[1]

[2]

[3]

[4]

[5]

[6]

[7]

[8]

[9]