Шаблён:Цяперашні абраны артыкул/2016-06

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Сьцяг НАТО

Арганізацыя Паўночнаатлянтычнай дамовы, скарочана NATO, НАТО, таксама вядомая як Паўночнаатлянтычны альянс — міжнародная арганізацыя калектыўнай бясьпекі і міжурадавы вайсковы зьвяз, які фунцыянуе на аснове Паўночнаатлянтычнага дагавору, які быў падпісаны 4 красавіка 1949 году ў Вашынгтоне. Арганізацыя ўяўляе сабой сыстэму калектыўнай абароны, згодна зь якой ягоныя чальцы згаджаюцца да ўзаемнай абароны ў адказ на напад з боку любога зьнешняга агрэсара. Штаб-кватэра НАТО знаходзіцца ў Бэльгіі, у горадзе Брусэль. Працоўнымі мовамі арганізацыі зьяўляюцца ангельская і француская. У склад арганізацыі ўваходзяць 28 дзяржаваў-чальцоў, якія месьцяцца ў Паўночнай Амэрыцы і Эўропе. Найноўшымі чальцамі НАТО зьяўляюцца Альбанія і Харватыя, якія далучыліся да зьвязу ў красавіку 2009 году. 22 краіны ўдзельнічаюць у праграме НАТО Партнэрства дзеля міру. Акрамя таго, 15 іншых краінаў сьвету маюць афіцыйныя праграмы дыялёгу з блёкам. Камбінаваныя вайсковыя выдаткі ўсіх чальцоў НАТО складае больш за 70% ад агульнасусьветнага аб’ёму выдаткаў у вайсковую сфэру. Выдаткі на абарону ўдзельнікаў складаюць каля 2% СУП.
(артыкул цалкам…)

Іншыя абраныя артыкулы · Кандыдаты ў абраныя