Хорапуць
| Хорапуць | |
| Агульныя зьвесткі | |
|---|---|
| Выток | каля в. Чырвоны Арол |
| Вусьце | Іпуць |
| Краіны басэйну | Беларусь |
| Вобласьці | Гомельская вобласьць |
| Даўжыня | 45 км |
| Сярэднегадавы сьцёк | 2,06 м³/с |
| Плошча басэйну | 528 км² |
| Нахіл воднай паверхні | 0,8 ‰ |
Хорапуць — рака ў Добрускім раёне Гомельскай вобласьці, левы прыток ракі Іпуць (басэйн Дняпра). Даўжыня 45 км. Плошча вадазбору 528 км². Выдатак вады ў вусьці 2,06 м³/с. Сярэдні нахіл воднай паверхні 0,8‰.
Асноўныя прытокі
- Праваруч: Гразьліўка
- Леваруч: Чачора
Агульныя зьвесткі
Пачынаецца за 2 км на паўднёвы захад ад вёскі Чырвоны Арол, вусьце на заходняй ускраіне места Добруш. Рака цячэ Гомельскім Палесьсем.
Даліна трапэцападобная, у вусьці зьліваецца з далінай Іпуці. Абалона пераважна лугавая. Рэчышча каналізаванае на ўсім працягу, шырыня яго 2—3 м у вярхоўі, у вусьці да 12 м. Берагі стромкія, вышынёй да 1,2 м. Прымае сьцёк з мэліярацыйных каналаў[1].
Крыніцы
- ^ Блакітная кніга Беларусі. Энцыкл. — Мн.: 1994.
Літаратура
- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1