Фэлікс Гумен

Зьвесткі зь Вікіпэдыі — вольнай энцыкляпэдыі
Фэлікс Гумен
Дата нараджэньня 28 сакавіка 1941
Месца нараджэньня в. Кальцова Амурскай вобласьці, Расея
Адукацыя Віцебскі пэдагагічны інстытут (цяпер Віцебскі дзяржаўны ўнівэрсытэт)
Месца вучобы
Занятак акварэль
Месца працы
Плынь Віцебская школа акварэлі[d]
Працы «Сафійскі сабор у Полацку» (1967)
Пад уплывам Іван Сталяроў

Фэлікс Фёдаравіч Гу́мен (н. 28 сакавіка 1941, в. Кальцова Амурскай вобласьці, Расея) — беларускі мастак, адзін з пачынальнікаў Віцебскай школы акварэлі.

Нарадзіўся 28 сакавіка 1941 году ў в. Кальцова (Амурская вобласьць, Расея) ў сям’і вайскоўца-памежніка. У 1962 годзе скончыў Віцебскі пэдагагічны інстытут (цяпер Віцебскі дзяржаўны ўнівэрсытэт), ад 1965 да 1974 году выкладаў у ім. У 1965 годзе ўступіў у Саюз мастакоў СССР. З 1960-х быў добра вядомым у мастацтве[1]. Са складу саюза мастакоў выйшаў у 2006 г. Аўтар эмацыйна выразных, пераважна пленэрных пэйзажаў: «Сафійскі сабор у Полацку» (1967), «Наваполацак. Сонца над горадам» (1968), «Віцебскі дворык» (1975), «Ушацкія азёры» (1994), «Лагойшчына» (1995) і інш. Нацюрморты Гумена вылучаюцца дакладнай перадачай формы і фактуры рэчаў: «Кветкі шыпшыны» (1967), «Камбала» (1970), «Клопаты гаспадыні» (1972), «Атрыбуты мастацтва» (1974), «Дзьмухаўцы» (1982), «Нацюрморт» (1990), «Званочкі зь яру» (1995) і інш. Для творчасьці характэрны шырокая манера пісьма, сакавіты колер, кантрасты сьвятла і ценю.

Паказваў акварэлі на выставе віцебскіх мастакоў, прысьвечанай II Усесаюзнаму фэстывалю польскай песьні, якая адкрылася 18 ліпеня 1990 году ў карціннай галерэі Віцебскага гарадзкога цэнтра культуры[2]. У красавіку 1991 году адбылася выстава-продаж акварэляў Фэлікса Гумена ў Віцебску[3]. У 1993 годзе паказваў свае працы на сумеснай выставе ў Нінбургу[4]. 24 чэрвеня 1993 году арганізаваў выставу адной карціны ў выставачнай залі музычнай гасьцёўні Віцебска[5]. У студзені 1994 году прадстаўляў свой жывапіс на сумеснай мастацкай выставе-продажы «Віцебская мазаіка» у Арт-цэнтры Марка Шагала[6].

Крыніцы[рэдагаваць | рэдагаваць крыніцу]

  1. ^ Базан, Л. Ах, акварель, акварель // Витебский курьер. — 1991. — № 15. — С. 2.
  2. ^ Выставка витебских художников // Витебский курьер. — 1990. — № 7. — С. 7.
  3. ^ Картинная галерея городского центра культуры // Витебский курьер. — 1991. — № 14. — С. 1.
  4. ^ Две выставки и все в Германии // Витебский курьер. — 1993. — № 19. — С. 3.
  5. ^ Панорама // Витебский курьер. — 1993. — № 24. — С. 2.
  6. ^ «Витебская мозаика» // Витебский курьер. — 1994. — № 5. — С. 2.

Літаратура[рэдагаваць | рэдагаваць крыніцу]

  • Цыбульскі М. Л. Гумен Фелікс Фёдаравіч // БЭ. — Менск: 1997 Т. 5. С. 532.

Вонкавыя спасылкі[рэдагаваць | рэдагаваць крыніцу]