Францускі пацалунак

Францу́скі пацалу́нак — гарачая й эратычная форма пацалунку з дакрананьнем партнэрамі языкоў адзін аднаго. Такі «пацалунак языкамі» стымулюе вусны, язык і рот партнэра, што выклікае псыхалягічнае сэксуальнае ўзрушэньне. У адрозьненьне ад звычайнага пацалунку, які часта ня мае сэксуальнай канатацыі, францускі пацалунак выконваецца толькі між блізкімі асобамі і можа зьяўляцца ўступам да плоцевага чыну.

Этымалёгія

Назва зьявілася ў ангельскамоўным сьвеце ў пачатку XX стагодзьдзя дзякуючы рэпутацыі французаў як больш авантурных і жарсных каханкаў. У Францыі такі пацалунак называецца «пацалункам каханкаў» (un baiser amoureux) або «пацалунак языком» (un baiser avec la langue).

Тэхніка

Рот — адна з асноўных эрагенных зонаў чалавека. Даказана, што адчуваньне дотыку языка да языка стымулюе выкід эндарфіну і зьмяншае ўзровень стрэсу. У часе францускага пацалунку адбываецца больш інтэнсіўны абмен сьлінай, чым пры звычайным пацалунку.

Адбываецца актывізацыя млечавых нэрваў, падстраўнікавай залозы і нэрвовых канчаткаў прамежжа, выклікаючы сэксуальную ўзрушанасьць^[1].

Здароўе

Пры францускім пацалунку існуе ўмераная рызыка заражэньня папілёмавіруснай інфэкцыяй.

Пры наяўнасьці адкрытай раны існуе імавернасьць заражэньня ВІЧ^[2]^[3].

Таксама пры наяўнасьці парэзаў ці ранаў і актыўным абмене сьлінай падчас пацалунку магчымае заражэньне гепатытам B, асабліва калі хворы чалавек мае вялікую канцэнтрацыю віруса^[4].

Пры працяглым францускім пацалунку зрэдку магчымая перадача пранцаў^[5], але для гэтага патрэбны кантакт з актыўнай высыпкай^[6].

Цікавосткі

У 2001 року ўсталяваны рэкорд паводле найбольшай працягласьці францускага пацалунку: 30 гадзінаў, 59 хвілінаў і 21 сэкунду, прычым кожным з партнэраў за гэты час спаліў 7436 кілякалёрыяў^[7].

Глядзіце таксама

Крыніцы

^ Исаев Д. Д. Фазы сексуальных реакций: Поцелуй // Иллюстрированная энциклопедия сексуальности. — СПб.: Продолжение жизни, 2002. — С. 85. — 368 с.
^ HIV/AIDS 101 (анг.). Centers for Disease Control and Prevention. Праверана 12 траўня 2015 г. Архіўная копія ад 1 чэрвеня 2017 г.
^ Man with HIV may have infected partner with a kiss. CNN (10 ліпеня 1997). Праверана 12 траўня 2015 г. Архіўная копія ад 4 сакавіка 2016 г.
^ How Much Do You Really Know About Sex and Hepatitis B? Take This Quiz and Find Out (анг.) Праверана 1 сьнежня 2021 г. Архіўная копія ад 1 сьнежня 2021 г.
^ Syphilis Symptoms, Causes, and Diagnosis (анг.). WebMD. Праверана 12 траўня 2015 г. Архіўная копія ад 25 верасьня 2020 г.
^ Lori E. Fantry, M.D., M.P.H., Edmund C. Tramont, M.D., F.A.C.P. Treponema Pallidum (Syphilis) (анг.) Праверана 12 траўня 2015 г. Архіўная копія ад 12 сакавіка 2015 г.
^ Tongzoenen is ongezond (нід.). Gezondheid NV (сакавік 2021). Праверана 20 лютага 2022 г.

Вонкавыя спасылкі

Францускі пацалунак // WikiHow

[1] Исаев Д. Д. Фазы сексуальных реакций: Поцелуй // Иллюстрированная энциклопедия сексуальности. — СПб.: Продолжение жизни, 2002. — С. 85. — 368 с.

[2] HIV/AIDS 101 (анг.). Centers for Disease Control and Prevention. Праверана 12 траўня 2015 г. Архіўная копія ад 1 чэрвеня 2017 г.

[3] Man with HIV may have infected partner with a kiss. CNN (10 ліпеня 1997). Праверана 12 траўня 2015 г. Архіўная копія ад 4 сакавіка 2016 г.

[4] How Much Do You Really Know About Sex and Hepatitis B? Take This Quiz and Find Out (анг.) Праверана 1 сьнежня 2021 г. Архіўная копія ад 1 сьнежня 2021 г.

[5] Syphilis Symptoms, Causes, and Diagnosis (анг.). WebMD. Праверана 12 траўня 2015 г. Архіўная копія ад 25 верасьня 2020 г.

[6] Lori E. Fantry, M.D., M.P.H., Edmund C. Tramont, M.D., F.A.C.P. Treponema Pallidum (Syphilis) (анг.) Праверана 12 траўня 2015 г. Архіўная копія ад 12 сакавіка 2015 г.

[7] Tongzoenen is ongezond (нід.). Gezondheid NV (сакавік 2021). Праверана 20 лютага 2022 г.

[1]

[2]

[3]

[4]

[5]

[6]

[7]