Калёрыя

Пажыўнае рэчыва	Калёрыяў на грам
Вугляводы	4 кілякалёрыі
Пратэін	4 кілякалёрыі
Тлушч	9 кілякалёрыяў
Сьпірт	7 кілякалёрыяў

Калё́рыя (кал, cal) — пазасыстэмная адзінка колькасьці працы і энэргіі, роўная колькасьці цеплыні, неабходнай для награваньня 1 г вады на 1 °C пры стандартным атмасфэрным ціску 101,325 кПа. У залежнасьці ад прыманай эталённай тэмпэратуры вады, існуе некалькі зьлёгку розных азначэньняў калёрыі.

1 кал_м = 4,1868 Дж (дакладна, 1 Дж = 0,23885 кал_м) Міжнародная калёрыя, уведзеная ў 1929 г.

1 кал_т ≅ 4,184 Дж (1 Дж = 0,23901 кал_т) Тэрмахімічная калёрыя (выкарыстоўвалася да 1929 г).

1 кал₁₅ = 4,18580 Дж (1 Дж = 0,23890 кал₁₅) Калёрыя пры 15 °С

Выкарыстоўваецца галоўным чынам для адзнакі калярыйнасьці (энэргетычнай каштоўнасьці) харчовых прадуктаў, а вытворная ад калёрыі адзінка вымярэньня колькасьці цеплавой энэргіі — гігакалёрыя (10⁹ калёрыяў) выкарыстоўваецца для ацэнкі ў цеплаэнэргетыцы, сыстэмах ацяпленьня, камунальнай гаспадарцы.

Пад калярыйнасьцю ежы разумеецца колькасьць энэргіі, якое вылучаецца пры поўным засвойваньні ежы ў арганізьме.

Літаратура

• Кузнецов Н. И. Международная система единиц (СИ). — 2-е, исправленное и дополненное. — Минск: 1965. — С. 29.

Вонкавыя спасылкі

• Пералік велічыні працы паміж рознымі адзінкамі вымярэньня, у т. л. пазасыстэмнымі.