Флярыян Грабніцкі

Флярыян Грабніцкі
лац. Flaryjan Hrabnicki
	Флярыян Грабніцкі
	; Герб Астоя
XII мітрапаліт кіеўскі, галіцкі й усяе Русі
1745 — 1762
Папярэднік	Атанас Шаптыцкі
Наступнік	Фэліцыян Піліп Валадковіч
Асабістыя зьвесткі
Нарадзіўся	1683; Полацкае ваяводзтва, Вялікае Княства Літоўскае, Рэч Паспалітая;
Памёр	18 ліпеня 1762; Струньне[d], Полацкае ваяводзтва, Вялікае Княства Літоўскае, Рэч Паспалітая;
Пахаваны	Сафійскі сабор;
Род	Грабніцкія
Бацькі	Міхал Казімір Грабніцкі[d];
Дзейнасьць	каталіцкі сьвятар, каталіцкі біскуп

Флярыян Грабніцкі (1684?, Полацкае ваяводзтва — 1762) — царкоўны дзяяч Вялікага Княства Літоўскага, Рэчы Паспалітай. Уніяцкі біскуп віцебскі (1716—1719}, арцыбіскуп полацкі (з 1719), мітрапаліт кіеўскі, галіцкі й усяе Русі (з 1748). Доктар тэалёгіі.

Біяграфія

З шляхецкага роду Грабніцкіх гербу Астоя. Прыняў манаства ў ордэне базылянаў Сьвятога Язафата.

Скончыў Львоўскі папскі калегіюм (паводле іншых зьвестак, Віленскую акадэмію). Выкладаў філязофію ў Жыровіцкай базылянскай школе, быў ігуменам Віленскага Траецкага манастыра і мітрапаліцкім афіцыялам (з 1713 году), каад’ютарам арцыбіскупа полацкага.

Спрабаваў праз суд вярнуць маёмасьць полацкіх манастыроў, перададзеную каралём і вялікім князем Стэфанам Баторыем езуітам, аднак з прычыны вялікага ўплыву ордэну ў дзяржаўных органах ня здолеў дасягчы справядлівасьці.

Выступаў супраць пераходу грэка-каталікоў у лацінскі абрад. Дамогся выданьня папскага дэкрэту пра захаваньне ўсходняга абраду, які аднак з прычыны процідзеяньня рымска-каталіцкага духавенства і дзяржаўнай улады Рэчы Паспалітай не выконваўся.

Рэфармаваў базылянскія манастыры, дбаў пра адукацыю кліру, апекваўся грэка-каталіцкімі сьвятынямі^[1]. Зь ягонай ініцыятывы ў Полацкай архіяпархіі ўзьвялі некалькі мураваных цэркваў і манастыроў. Ахвяраваў уласныя сродкі на адбудову Полацкага Сафійскага сабору ў стылі віленскага барока. Спачыў у гэтай сьвятыні^[2].

Крыніцы

^ Казуля С. Грабніцкі Фларыян // ЭГБ. — Мн.: 1996 Т. 3. С. 96.
^ Казуля С. Грабніцкі Фларыян // ВКЛ. Энцыкл. — Мн.: 2005 Т. 1. С. 550.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4
Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1996. — Т. 3: Гімназіі — Кадэнцыя. — 527 с. — ISBN 985-11-0041-2

[1] Казуля С. Грабніцкі Фларыян // ЭГБ. — Мн.: 1996 Т. 3. С. 96.

[2] Казуля С. Грабніцкі Фларыян // ВКЛ. Энцыкл. — Мн.: 2005 Т. 1. С. 550.

[1]

[2]