Уладзіслаў Кавалёў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Уладзіслаў Кавалёў
Уладзіслаў Кавалёў у 2013 року
ІмяУладзіслаў Уладзімеравіч Кавалёў
КраінаБеларусь Беларусь (да 2021)
Нарадзіўся 6 студзеня 1994(1994-01-06) (28 гадоў)
Званьнегросмайстар (2013)
Рэйтынг ФІДЭ2664 (чэрвень 2022)
Максымальны рэйтынг2703 (люты 2019)
Вікіпэдыя мае артыкулы пра іншых асобаў з прозьвішчам Кавалёў.

Уладзісла́ў Уладзі́меравіч Кавалёў (нар. 6 студзеня 1994, Менск) — беларускі шахіст, гросмайстар (2013).

Жыцьцяпіс[рэдагаваць | рэдагаваць крыніцу]

Займацца шахамі пачаў зь 7-гадовага веку. Першы трэнэр — Леанід Суднік; у 2005—2013 рр. — Сімяон Мерыбанаў.

Спартовая кар’ера[рэдагаваць | рэдагаваць крыніцу]

Сяміразовы чэмпіён і шматразовы прызэр Беларусі сярод юнакоў у розных узроставых катэгорыях. Шматразовы чэмпіён Беларусі ў хуткіх шахматах сярод юнакоў. У 2005 року ў 11-гадовым веку падзяліў 1—2 месцы на Кубку Беларусі па хуткіх шахматах сярод мужчынаў. Чэмпіён Рэспублікі Беларусі сярод мужчынаў (2016).

Удзельнік Сусьветных шахматных Алімпіядаў у Стамбуле (2012), Трамсё (2014), Баку (2016) і Батумі (2018) у складзе зборнай, камандных чэмпіянатаў Эўропы 2013 (Варшава), 2017 (Крыт) і сьвету 2017 (Ханты-Мансійск).

Майстар спорту міжнароднага клясу Рэспублікі Беларусі. Стыпэндыят Прэзыденцкага спартовага клюбу (2009—2015).

У 2020 року падпісаў ліст спартоўцаў да ўладаў з патрабаваньнямі сумленных выбараў і спыненьня гвалту, пасьля чаго быў звольнены з Рэспубліканскага цэнтру алімпійскай падрыхтоўкі. У ліпені 2021 року адмовіўся выступаць пад беларускім сьцягам. Цяпер гуляе пад сьцягам ФІДЭ.

Зьмяненьні рэйтынгу[рэдагаваць | рэдагаваць крыніцу]

Зьмяненьні Эла[1]

Крыніцы[рэдагаваць | рэдагаваць крыніцу]

  1. ^ Рэйтынг Эла з сьпісаў ФІДЭ. Крыніцы: fide.com, benoni.de, olimpbase.org

Вонкавыя спасылкі[рэдагаваць | рэдагаваць крыніцу]