Трэцяя ракета

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Трэцяя ракета
па-беларуску: Трэцяя ракета
Трэцяя ракета.jpg
Тытульны аркуш «Трэцяй ракеты» з подпісам аўтара
Жанр: аповесьць
Аўтар: Васіль Быкаў
Мова арыгіналу: беларуская
Публікацыя: 1962
Выдавецтва: Маладосьць
Электронная вэрсія

«Трэ́цяя раке́та» — аповесьць Васіля Быкава, упершыню выйшла ў часопісе «Маладосць» №2 у 1962 годзе і ў асобным выданьні — у той самы год[1]. За гэты твор у 1964 годзе Быкаў стаў Ляўрэатам Літаратурнай прэміі імя Я. Коласа.

Падставы напісаньня[рэдагаваць | рэдагаваць крыніцу]

Васіль Быкаў, прачытаўшы некалькі вайсковых твораў Рыгора Бакланава, адклаў усё і жарсна сеў пісаць «Трэцюю ракету». Але не пасьпеў яе скончыць за вясну, а летам яго выклікалі на вайсковыя зборы ў Наваградак. Нават у войску Быкаў працягваў пісаць кнігу.

«

Мабыць, ніводную я не пісаў з такой апантанасьцю, як «Трэцюю ракету», сам ня ведаю, зь якой прычыны. Бывала, як толькі наставала пасьляабедзьдзе і па звыклым распарадку дня вайскоўцы клаліся спаць, я бег у ціхманы куток салдацкай курылкі і пісаў — алаўком у сшытку.

»

—Васіль Быкаў, Доўгая дарога дадому

Сюжэт[рэдагаваць | рэдагаваць крыніцу]

Нямецка-савецкая вайна на Беларусі. Артылерыйскі разьлік трое содняў адрэзаны ад сваіх. Лёс зьвёў у адным акопе розных людзей, якім трэба адбіць першую танкавую атаку фашыстаў. У цяжкія часіны і сьмяротнай небясьпецы выяўляюцца сапраўдныя чалавечыя характары…

Экранізацыя[рэдагаваць | рэдагаваць крыніцу]

У 1963 годзе Беларусьфільм зьняў фільм паводле аповесьці пад назвай «Трэцяя ракета». Гэта была першая экранізацыя твора Быкава.

Крыніцы[рэдагаваць | рэдагаваць крыніцу]

  1. ^ Доўгая дарога дадому, кніга ўспамінаў Васіля Быкава

Вонкавыя спасылкі[рэдагаваць | рэдагаваць крыніцу]