Трудзі Канаван

Трудзі Канаван
Trudi Canavan
Асабістыя зьвесткі
Нарадзілася	23 кастрычніка 1969 Мэльбурн, Аўстралія
Літаратурная дзейнасьць
Род дзейнасьці	графічная дызайнэрка, пісьменьніца, навэлістка, пісьменьнік навуковай фантастыкі
Гады творчасьці	1998-
Кірунак	фэнтэзі
Мова	ангельская
Дэбют	1998
Прэміі	«Aurealis Award», «Ditmar»
Узнагароды	Aurealis Award for best fantasy short story[d] (1999) Aurealis Award for best fantasy novel[d] (2009)
Трудзі Канаван у Вікісховішчы
https://www.trudicanavan.com

Трудзі Канаван (23 кастрычніка 1969, Мэльбурн) — папулярная аўстралійская пісьменьніца-фантастка.

Жыцьцяпіс

Дзяцінства прайшло ў маляўнічым прыгарадзе Мэльбурна, дзе яна жыве сёньня. Зь дзяцінства захаплялася музыкай і маляваньнем. Колькі сябе памятае, заўсёды складала гісторыі «пра рэчы, якія не існуюць».

Па прафэсіі — дызайнэр. З адзнакай скончыла Melbourne College of Decoration ў 1988 годзе. Працавала дызайнэрам, мастачкай і картографам ў выдавецтве «Lonely Planet Publications». У 1993 годзе перайшла на працу ў «Oxford University Press Australia».

У 1995 годзе заснавала ўласную фірму «The Telltale Art», якая займаецца ілюстрацыямі, працамі па графічным дызайне і афармленьнем геаграфічных мапаў. З 1995 па 2004 год працавала таксама ў аўстралійскім часопісе фэнтэзі і навуковай фантастыкі «Aurealis». У якасьці мастацкага рэдактара ўдзельнічала ў распрацоўцы афармленьня часопіса і стэндаў рэдакцыі на выставах, а таксама адбірала для публікацыі мастацкія работы. Акрамя таго, яна працавала з поштай, чытала рукапісы і адказвала за сайт часопіса.

Творчае жыцьцё

Праца ва ўласнай фірме дазволіла ёй частку часу прысьвяціць літаратурнай дзейнасьці. Дэбютны аповяд «Whispers of the Mist Children», да яе вялікага зьдзіўленьня, атрымаў ў 1999 годзе прэмію «Aurealis Award».

У 2001 годзе ў «HarperCollins Australia» быў выдадзены дэбютны раман «Гільдыя чараўнікоў», які пачаў фэнтэзійную трылёгію «Чорны маг»  (анг.). Другая кніга цыклю была выдадзена ў чэрвені 2002 году і намінавалася на «Aurealis Award». Трэцяя частка трылёгіі зьявілася ў студзені 2003 году і была намінаваная на самую прэстыжную аўстралійскую фантастычную ўзнагароду «Ditmar». Усе тры кнігі патрапілі ў першую дзясятку аўстралійскіх сьпісаў бэстсэлераў. Пабачыўшы такі посьпех кніг Трудзі Канаван, на яе зьвярнулі ўвагу і замежныя выдаўцы. У 2004 годзе трылёгія была выдадзена ў ЗША і Вялікабрытаніі. Правы на пераклад цыклю купілі таксама выдаўцы шэрагу эўрапейскіх краінаў.

У 2004 годзе другі апублікаваны аповяд Трудзі Канаван «Пакой часу» прынёс ёй аўстралійскі «Ditmar».

Творчасьць

Цыклы

• Кіралія / Kyralia
  • Чорны маг / The Black Magician Trilogy
    • Гільдыя Магаў / The Magician’s Guild
    • Вучаніца Гільдыі / The Novice (2002)
    • Высокі Лорд / The High Lord (2003)
  • The Magician’s Apprentice (2009)
  • The Traitor Spy Trilogy
    • The Ambassador’s Mission (2010)
    • The Rogue (2011)
    • The Traitor Queen (2012)
• Age of the Five
  • Priestess of the White (2006)
  • Last of the Wilds (2006)
  • Voice of the Gods (2007)

Апавяданьні

• 1998 Whispers of the Mist Children
• 2003 Пакой часу / A Room for Improvement
• 2008 The Lost Property Room
• 2010 The Mad Apprentice: A Black Magician Story

Вонкавыя спасылкі

Трудзі Канаван — сховішча мультымэдыйных матэрыялаў