Торы Гаск
| Торы Гаск | |
 | |
| Пэрсанальная інфармацыя | |
|---|---|
| Нарадзілася | 7 сьнежня 2002[1] (21 год) |
| Грамадзянства | |
| Прафэсійная інфармацыя | |
| Спэцыялізацыя | плыўчыха |
То́ры Гаск (па-ангельску: Torri Huske; 7 сьнежня 2002 году) — амэрыканская плыўчыха. Прызэрка летніх Алімпійскіх гульняў 2020 і 2024 году, а таксама чэмпіёнка сьвету. Маці спартоўкі паходзіць з Кітаю, адкуль эмігравала ў 1991 годзе.
Кар’ера
[рэдагаваць | рэдагаваць крыніцу]З 2017 году спартоўка брала ўдзел у школьных спаборніцтвах і нават была капітанам каманды штату на ўнутраных спаборніцтвах. У 2019 годзе брала ўдзел у чэмпіянаце ЗША па плаваньні. У жніўні 2019 году дэбютавала на юніёрскім чэмпіянаце сьвету ў Будапэшце, дзе назьбірала пяць залатых мэдалёў і адзін срэбраны.
Першы мэдаль быў здабыты 21 жніўня у зьмяшанай камбінаванай эстафэце 4×100 мэтраў, праплыўшы свой адрэзак эстафэты батэрфляем за 58,04 сэкунды і дапамогшы ўсталяваць новы сусьветны юніёрскі рэкорд і рэкорд чэмпіянату 3:44,84[2]. На наступны дзень Гаск заваявала срэбраны мэдаль на дыстанцыі 100 мэтраў вольным стылем з вынікам 54,54 сэкунды ў фінале, адстаўшы ад залатой прызыркі Грэтчэн Ўолш на 8 дзясятых сэкунды[3]. У фінале заплыву на дыстанцыі 50 мэтраў батэрфляем 23 жніўня Гаск апярэдзіла сваю партнэрку па камандзе Клэр Керзан і здабыла залаты мэдаль з вынікам 25,70 сэкундаў[4]. Гаск выйграла свой чацьверты мэдаль на чэмпіянаце 24 жніўня ў эстафэце 4×100 мэтраў вольным стылем[5]. 25 жніўня, у заключны дзень чэмпіянату, Гаск заваявала залаты мэдаль на дыстанцыі 100 мэтраў батэрфляем з вынікам 57,71 сэкундаў, пабіўшы свой уласны рэкорд[6]. Свой шосты мэдаль плыўчыха здабыла ў камбінаванай эстафэце 4×100 мэтраў, праплыўшы адрэзак эстафэты батэрфляем за 57,86 сэкундаў[7].
Пазьней Гаск пагадзілася плаваць у складзе каманды Стэнфардзкага ўнівэрсытэту. На нацыянальным адборы да летніх Алімпійскіх гульняў 2020 году спартоўка ўсталявала некалькі рэкордаў, але на саміх гульнях здолела здабыць толькі срэбраны мэдаль у складзе эстафэтнай каманды ў камбінаванай эстафэце 4×100 мэтраў. У жніўні Гаск склала спонсарскае пагадненьне з кампаніяй TYR Sport ды ў 2021 і 2022 годаха брала ўдзел у студэнціх спаборніцтвах. Таксама ў 2021 годзе брала ўдзел у чэмпіянаце сьвету на кароткай вадзе, дзе здабыла два залатых і адзін срэбраны мэдаль у дысцыплінах вольнага стылю. На чэмпіянаце сьвету па водных відах спорту 2022 году здабыла тры залатых мэдаля і столькі бронзавых.
На летніх Алімпійскіх гульнях 2024 году ў Парыжы перамагла на дыстанцыі 100 мэтраў батэрфляем з вынікам 55,59 сэкундаў. Напярэдадні яна таксама плыла ў эстафэце 4×100 мэтраў вольным стылем поруч з Кейт Дуглас, Грэтчэн Ўолш і Сымонай Мануэл, зь якімі здабыла срэбраныя мэдалі і ўсталявала новы рэкорд Амерыкі з вынікам 3:30,20.
Крыніцы
[рэдагаваць | рэдагаваць крыніцу]- ^ а б Torri Huske // https://www.olympedia.org/athletes/147283
- ^ «7th FINA World Junior Swimming Championships 2019: Mixed 4 x 100m Medley Relay Final Results». Omega Timing.
- ^ «7th FINA World Junior Swimming Championships 2019: Women’s 100m Freestyle Final Results». Omega Timing.
- ^ «7th FINA World Junior Swimming Championships 2019: Women’s 50m Butterfly Final Results». Omega Timing.
- ^ «7th FINA World Junior Swimming Championships 2019: Women’s 4 x 100m Freestyle Relay Final Results». Omega Timing.
- ^ Ortegon, Karl (25.08.2019). «Torri Huske Clips Own 15–16 NAG Record In World Juniors 100 Fly Gold». SwimSwam.
- ^ «7th FINA World Junior Swimming Championships 2019: Women’s 4 x 100m Medley Relay Final Results». Omega Timing.
Вонкавыя спасылкі
[рэдагаваць | рэдагаваць крыніцу]- Профіль на сайце Міжнароднай фэдэрацыі плаваньня.