Тора Бора
| Тора Бора | |
 | |
| Краіна | Аўганістан |
|---|---|
| Месцазнаходжаньне | горны хрыбет Сафэд Гох |
| Каардынаты | 34°07′01,20″ пн. ш. 70°13′01,20″ у. д.HGЯO |
| Тора Бора на мапе Аўганістану   Тора Бора | |
| Геалёгія | мэтаморфны гнэйс і лупняк |
То́ра Бо́ра (пушту: توره بوړه, «Чорная пячора») — пячорны комплекс, частка горнага хрыбту Сафэд Гох ва ўсходнім Аўганістане. Знаходзіцца ў раёне Пачыр Аў Агам правінцыі Нангархар, прыкладна за 50 км на захад ад Хайбэрскага перавалу і за 10 км на поўнач ад граніцы Фэдэральна кіраваных пляменных тэрыторыяў Пакістану.
Мінуўшчына
[рэдагаваць | рэдагаваць код]Пасьля савецкага ўварваньня ў Аўганістан у Торы Боры з дапамогай ЦРУ ЗША была створаная вайсковая база маджагедаў[1]. Увосені 1980 року, падчас апэрацыі „Шквал“, комплекс быў узяты спэцпадразьдзяленьнем КДБ СССР „Каскад“ і 66-й мэханізаванай стралецкай брыгадай 40-й савецкай арміі.
У чэрвені 1981 року падразьдзяленьні 66-й мэханізаванай стралецкай брыгады і 11-й Джалалабадзкай пяхотнай дывізіі ізноў узялі ўмацаваньні маджагедаў у Торы Боры.
У ліпені 1983 року адбылася яшчэ адна апэрацыя 66-й мэханізаванай стралецкай брыгады ў Торы Боры.
У часе амэрыканскага ўварваньня ў Аўганістан гэты пячорны комплекс быў адной зь цьвердзяў Талібану і Аль-Каіды[2]. У сьнежні 2001 року тут адбылася бітва вайскоўцаў ЗША з баевікамі, паколькі Тора Бора была меркаваным месцам хованкі лідэра Аль-Каіды Усамы бін Ладэна[2]. Паводле апісаньняў у заходніх СМІ, тут разьмяшчаліся да 2000 чалавек, дзейнічалі шпіталь, гідраэлектрастанцыя, офісы, гатэль, склады ўзбраеньня, дарогі шырынёй для праезду танкаў, разгалінаваныя сыстэмы тунэляў і вэнтыляцыі[3]. Калі комплекс у рэшце рэшт быў захоплены, ніякіх сьлядоў „умацаванай фартэцыі“ не знайшлося. Тора Бора аказалася сыстэмай прыродных пячораў, дзе пражывалі ня болей за 200 баевікоў. Склады зброі і абмундзіраваньня існавалі, але сьлядоў ніякіх іншых высокатэхналягічных збудаваньняў не знайшлося[4][5].
Пазьней Талібан адваяваў комплекс, які стаў важнай базай Талібану[6]. У 2017 року Тора Бора была захопленая Харасанскім ІДІЛам[7], але неўзабаве адваяваная аўганскімі вайскоўцамі[8][9].
Крыніцы
[рэдагаваць | рэдагаваць код]- ↑ Lost at Tora Bora (анг.) // 2005-09-11 г.
- 1 2 Donald Rumsfeld, Known and Unknown: A Memoir, Sentinel, 2011, p. 401
- ↑ Steve Rose Hunt for bin Laden - Tora Bora (анг.) The Guardian Праверана September 8, 2011 г.
- ↑ Edward Jay Epstein (December 11, 2001) Lair of bin Laden Праверана September 8, 2011 г.
- ↑ Matthew Forney The Tora Bora Caves // Time. — December 11, 2001.
- ↑ Ludovica Iaccino (15 June 1017) Isis unable to stay in Osama Bin Laden's Tora Bora fortress for long International Business Times Праверана 20 June 2017 г.
- ↑ Rod Nordland, Fahim Abed. ISIS Captures Tora Bora, Once Bin Laden's Afghan Fortress // The New York Times, 14 June 2017 г. Праверана 16 June 2017 г.
- ↑ Associated Press (17 June 1017) Afghan Official: Afghan Security Forces Recaptured Tora Bora The New York Times Праверана 20 June 2017 г.
- ↑ Afghan Official: Afghan security forces recaptured Tora Bora // Fox News, 17 June 2017 г.
