Таймслот (TDMA)

Таймслот — у сыстэмах сувязі, дзе ўжываецца множны доступ з падзелам па часе (TDMA) або часавае ўшчыльненьне (мультыплексаваньне) (TDM) — адзінка падзелу канала. Азначае адно месца ў кожным супэркадры пры мультыплексаваньні з падзелам па часе. Як правіла, у лічбавай тэхніцы сувязі пад тайм-слотам разумеецца канальны інтэрвал, займаны адным каналам 64 кбіт/с. З прычыны наяўнасьці розных хуткасьцяў перадачы, працягласьць аднаго тайм-слота ў часе можа моцна вар'іраваць, нязменным застаецца толькі аб'ём інфармацыі, які ў ім зьмяшчаецца.

У мабільнай сувязі наадварот — таймслот — гэта зададзеная адзінка часу (частка) з паўтаральнага пакета або кадра. Напрыклад у GSM — таймслот — гэта 0,577 мс і 8 таймслотаў утвараюць кадар. Таймслоты ёсьць, як гэта ні дзіўна, ня толькі ў сыстэмах, выкарыстоўвалых TDMA, але і ў іншых сыстэмах, напрыклад у D-AMPS (выкарыстае акрамя FDMA падзел на таймслоты), DECT, CDMA2000 (дзе акрамя кадаванага падзелу канала выкарыстоўваецца і часавы падзел на таймслоты пры перадачы дадзеных). Напрыклад у CDMA2000 1X EV-DO — таймслот — гэта 1,667 мс — 16 таймслотаў утвараюць пакет.