Сяргей Баркоўскі

Вікіпэдыя мае артыкулы пра іншых асобаў з прозьвішчам Баркоўскі.

Сяргей Баркоўскі
Дата нараджэньня	14 сьнежня 1963(1963-12-14) (60 гадоў)
Месца нараджэньня	Алматы, Казаская ССР, СССР
Месца вучобы	Расейскі дзяржаўны інстытут сцэнічных мастацтваў[d]
Занятак	актор, кінаактор
Узнагароды
IMDb	ID nm0055112
Сайт	sbarkovskiy.ucoz.ru

Сяргей Баркоўскі (14 сьнежня 1963, Алма-Ата, КССР, СССР) — актор, заслужаны артыст Расеі (2005).

Біяграфія

У 1966 г. разам з бацькамі пераяжджае ў г. Мікалаеў ва УССР. Па заканчэньні школы паступіў на аддзяленьне навуковага камунізму філязофскага факультэту Ленінградзкага дзяржаўнага ўнівэрсытэту, які скончыў з адзнакай і каля году выкладаў філязофію ў Ленінградзкім вышэйшым інжынэрскім марскім вучылішчы імя адмірала С. В. Макарава, рыхтуючыся да паступленьня ў асьпірантуру, а таксама, паралельна з выкладчыцкай дзейнасьцю займаўся ў паўпрафэсійнай студыі, якую вёў Вадзім Голікаў, кіраўнік тэатру Камэдыі. А калі Голікаў стаў набіраць курс у Ленінградзкі дзяржаўны інстытут тэатру, музыкі і кінэматаграфіі, Сяргей Баркоўскі пайшоў да яго вучыцца. Правучыўшыся паўтара году ў Голікава, Баркоўскі перайшоў на курс М. Сулімава. ЛДІТМіК скончыў у 1992 г. з двума чырвонымі дыплёмамі — акторскім і рэжысэрскім, і ў тым жа годзе ён быў прыняты ў трупу Моладзевага тэатру на Фантанцы. Разам са сваім аднакурсьнікам Сяргеем Ягоравым яны напісалі п’есу-фантазію на тэму ўсходніх казак, якая звалася «Каліф-бусел» і езьдзілі з гэтай казкай па дзіцячых садках і школах. Зь цягам часу актор зрабіўся незвычайна папулярны ў піцерскіх тэатралаў. Дыяпазон роляў, даступных артысту, незвычайна шырокі. Адначасова з працай у Моладзевым тэатры Баркоўскі выступае на сцэнах іншых тэатраў ды здымаецца ў кіно. За свае працы Сяргей Баркоўскі неаднаразова ўзнагароджваўся прэстыжнымі тэатральнымі прэміямі, сярод якіх Прэмія імя Смактуноўскага за выкананьне ролі Карла ў спэктаклі Моладзевага тэатру на Фантанцы «Жаўрук».