Сядзіба Федаровічаў (Шаркоўшчына)

Помнік грамадзянскай архітэктуры
Сядзіба Федаровічаў
Сядзіба Федаровічаў
Краіна	Беларусь
Мястэчка	Шаркоўшчына
Каардынаты	55°21′16″ пн. ш. 27°26′43″ у. д.
Архітэктурны стыль	нэаклясыцызм
Дата заснаваньня	пачатак ХХ ст.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Стан	захавалася
Сядзіба Федаровічаў на мапе Беларусі Сядзіба Федаровічаў

Сядзі́ба Федаровічаў — помнік архітэктуры пачатку XX стагодзьдзя ў Шаркоўшчыне. Знаходзіцца на паўднёва-заходняй ускраіне мястэчка, у парку на беразе ракі Дзісны. Твор архітэктуры нэаклясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Мураваную сядзібу Федаровічаў у Шаркоўшчыне збудавалі ў пачатку XX ст. Да 2012 году ў будынку разьмяшчаўся тэрапэўтычны аддзел раённай лякарні.

Апісаньне

Помнік архітэктуры нэаклясыцызму. Гэта прастакутны ў пляне 1-павярховы аб’ём пад пакатым вальмавым дахам. На галоўным фасадзе асымэтрычна разьмяшчаецца 4-калённы портык з трыкутным франтонам, на дваровым — выступае пяцігранны эркер. Плястыку фасаду ўзбагачаюць нішы, ліштвы прастакутных аконных праёмаў, прафіляваны антаблемэнт.

У інтэр’еры часткова захаваліся ляпныя разэткі і карнізы.

Літаратура

• Збор помнікаў гісторыі і культуры Беларусі. Віцебская вобласць / АН БССР, Ін-т мастацтвазнаўства, этнаграфіі і фальклору; Рэд. кал.: С. Марцэлеў (гал. рэд.) і інш. — Менск: Беларус. Сав. Энцыклапедыя, 1985. — 496 с.: іл.
• Памяць: Гіст.-дакум. хроніка Шаркаўшчынскага р-на. — Мн.: БЕЛТА, 2004. — 509 с. ISBN 985-6302-63-3.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  213Г000827

• Сядзіба Федаровічаў у Шаркоўшчыне, Radzima.org