Сябры (гурт)
| Сябры | |
 | |
| Гады | 1974 — цяпер |
|---|---|
| Краіна | |
| Месца ўтварэньня | Менск, Беларусь |
| Мова | беларуская расейская украінская |
| Жанр | фольк-поп |
| Выдавец | Мэлёдыя[d] |
| Узнагароды і прэміі | |
| syabry.com | |
«Сябры́» — вакальна-інструмэнтальны ансамбль пад кіраўніцтвам Анатоля Ярмоленкі, створаны ў 1974 годзе. Заслужаны калектыў Рэспублікі Беларусь. Вядомы шырокай аўдыторыі слухачоў па песьнях «Вы шуміце, бярозы», «Алеся», «Полька беларуская» і шматлікіх іншых.
Гісторыя
[рэдагаваць | рэдагаваць крыніцу]Музычны эстрадны калектыў «Сябры» быў створаны ў 1972 годзе пры Гомельскай філярмоніі. Афіцыйна годам утварэньня лічыцца 1974 год, пры гэтым назва ансамблю зьявілася яшчэ ў 1973 годзе. Улетку 1975 году кіраўніцтва калектывам было прапанаванае Валянціну Бадзьяраву. Кіраўніцтва калектывам ён прыняў толькі з 1976 году, неўзабаве музычны калектыў «Сябры» атрымаў статус вакальна-інструмэнтальнага ансамблю і папоўніўся музыкам Мікалаем Падгорным зь Ленінграду і салістам-тэнарам Віталем Чырвоным з Адэсы.
У 1981 годзе Анатоль Ярмоленка зьмяніў Валянціна Бадзьярава на пасадзе мастацкага кіраўніка калектыву. У гэтым жа годзе калектыў зь песьняй «Алеся» выйшаў у фінал фэстывалю «Песьня-81»[1].
Адной з усенародна вядомых песьняў калектыву стала «Вы шуміце, бярозы», якую беларускі кампазытар Эдуард Ханок склаў у 1983 годзе. Словы песьні былі напісаныя ў 1954 годзе беларускім паэтам Нілам Гілевічам[2]. Увосень 1993 году падчас гастроляў у ЗША гурт «Сябры» выканаў песьню «Полька беларуская» на словы Леаніда Дранько-Майсюка і музыку Ігара Лучанка[3].
Ансамбль вядомы шматлікім слухачам па песьнях: «Вы шуміце, бярозы», «Крынічанька», «Гуляць, дык гуляць!», «Полька беларуская», «Піце піва, мужыкі», «Алеся», «Перажывем» і многіх іншых.
Крыніцы
[рэдагаваць | рэдагаваць крыніцу]- ^ syabry.com — Творческий путь. Биография ансамбля (рас.)
- ^ История песни «Вы шумите, берёзы!»
- ^ Міхась Шавыркін. Полька беларуская // Зьвязда : газэта. — 15 лютага 1997. — № 32 (23133). — С. 8. — ISSN 1990-763x.