Перайсьці да зьместу

Сьцяпан Тарабалка

Зьвесткі зь Вікіпэдыі — вольнай энцыкляпэдыі
Сьцяпан Тарабалка
9 студзеня 1993(1993-01-09)[1] — 13 сакавіка 2022(2022-03-13)[2] (29 гадоў)
Месца нараджэньня
Месца сьмерці
Званьне маёр
Узнагароды
ордэн „Залатая Зорка“

Сьцяпан Іванавіч Тарабалка (па-ўкраінску: Степан Іванович Тарабалка; 9 студзеня 1993, г. Каралёўка, Каламыйскі раён Івана-Франкоўская вобласьць — 13 сакавіка 2022, Жытомір, Украіна) — маёр Узброеных Сіл Украіны, які вызначыўся падчас расейскага ўварваньня ва Ўкраіну, удзельнік расейска-украінскай вайны, Герой Украіны з уганараваньнем ордэна «Залатая Зорка» (пасьмяротна).

Гібель Сцяпана Тарабалкі адразу зьвязвалі з верагоднай гібельлю легендарнага пілёта, якога ахрысьцілі «прывідам Кіева»[3]. Прадстаўнікі Офісу прэзыдэнта Ўкраіны і камандаваньне паветраных сіл УСУ назвалі гэтую інфармацыю не зусім адпаведнай рэчаіснасьці, сфармаваўшы ідэю калектыўнага вобраза лётчыка-героя[4][5]. 29 красавіка 2022 году журналістка «The Times» у сваім артыкуле назвала Сьцяпана Тарабалку «прывідам Кіева». Прэс-служба камандаваньня паветраных сіл абвергла інфармацыю, адзначыўшы, што «прывід Кіева — гэта супэргерой-лягенда, чыю постаць стварылі ўкраінцы»[6].

Жыцьцяпіс

[рэдагаваць | рэдагаваць код]

Нарадзіўся Сьцяпан Тарабалка 9 студзеня 1993 году у вёсцы Каралеўка Івана-Франкоўскай вобласьці[7]. Па ўспамінах маці Натальлі, яе сын з дзяцінства марыў стаць ваенным лётчыкам. Ён любіў назіраць за МіГамі, калі яны праляталі над іх домам, і літаральна мроіў небам. А яшчэ хлопцу падабалася сачыць за трэніроўкамі дэсантнікаў[6].

У 13-гадовым узросьце Сьцяпан Тарабалка паступіў у Прыкарпацкі вайскова-спартовы ліцэй, а пасьля паступіў у Харкаўскі нацыянальны ўнівэрсытэт паветраных сіл імя Івана Кажадуба, які пасьпяхова скончыў у 2014 годзе[4].

Быў лётчыкам-зьнішчальнікам самалёту МіГ-29[6][8].

13 сакавіка 2022 году загінуў у паветраным баі над Жытомірам з пераўзыходзячымі сіламі расейскіх войскаў[9][10].

Пахаваны 17 сакавіка 2022 у роднай вёсцы Каралеўка[11].

Міт аб «прывідзе Кіева»

[рэдагаваць | рэдагаваць код]

Гібель Сьцяпана Тарабалкі яшчэ напрыканцы сакавіка 2022 году зьвязвалі з верагоднай гібельлю легендарнага пілёту, якога ахрысьцілі «прывідам Кіеву»[3]. Дарадца кіраўніка Офісу прэзыдэнта Аляксей Арастовіч і служба сувязяў з грамадзкасьцю камандаваньня паветраных сіл ВСУ заявілі, што гэтая інфармацыя зьяўляецца фэйкаваю і не адпавядае рэчаіснасьці[4][5]. Пазьней Арастовіч удакладніў, што вобраз «прывіда Кіеву» зьяўляецца зборным і азначае ўсіх пілётаў брыгады, у якой служыў Тарабалка.

29 красавіка 2022 году брытанскае выданьне «The Times» апублікавала матэрыял, у якім назвала ўкраінскага лётчыка Сьцяпана Тарабалку «прывідам Кіева». За першыя суткі вайны яму ўдалося зьнішчыць шэсьць варожых самалётаў: Су-27, МіГ-29, два самалёты Су-35 і два — Су-25. Пасьля украінскі ас на сваім МіГ-29 давёў колькасьць зьнішчаных самалётаў ресейцаў да 40[12].

У сваю чаргу, камандаваньне паветраных сіл УСУ упершыню афіцыйна заявіла, што «прывід Кіеву — гэта супэргерой-лягенда, чыю постаць стварылі ўкраінцы. Гэта хутчэй зборны вобраз пілётаў 40-й брыгады тактычнай авіяцыі паветраных сіл, якія абараняюць неба сталіцы, якія раптам зьяўляюцца там, дзе іх не чакаюць»[6][13].

Узнагароды

[рэдагаваць | рэдагаваць код]
  • званьня «Герой Украіны» з уганараваньнем ордэна «Залатая Зорка» (пасьмяротна) — за асабістую мужнасьць і гераізм, праяўлены пры абароне дзяржаўнага сувэрэнітэту і тэрытарыяльнай цэласнасьці Ўкраіны, адданасьць вайсковай прысязе[14].

Крыніцы

[рэдагаваць | рэдагаваць код]
  1. ↑ різні автори Велика українська енциклопедія (укр.) — Київ: Енциклопедичне видавництво, 2016. — ISBN 978-617-7238-39-2
  2. ↑ https://www.lefigaro.fr/international/guerre-en-ukraine-le-fantome-de-kiev-serait-decede-en-mars-selon-des-informations-du-times-20220430
  3. 1 2 Привид Києва героїчно загинув у бою. Президент нагородив його посмертно (укр.). Порадниця (24 сакавіка 2022). Праверана 26 сакавіка 2022 г.
  4. 1 2 3 Дмитро Іванческул (25 сакавіка 2022) Арестович спростував фейк про загибель "Привида Києва": пішов у небо інший Герой України. Фото (укр.) obozrevatel.com Праверана 26 сакавіка 2022 г.
  5. 1 2 "Привид Києва" не загинув: військові розповіли про особистість героя (укр.). unian. Праверана 30 красавіка 2022 г.
  6. 1 2 3 4 Віолетта Кіртока (30 красавіка 2022) The Times опублікувала статтю про легендарного Привида Києва. Видання називає ним майора Степана Тарабалку, який загинув 13 березня у повітряному бою. ФОТО (укр.) Цензор.нет Праверана 1 мая 2022 г.
  7. ↑ Facebook
  8. ↑ Президент присвоїв загиблому льотчику з Прикарпаття звання Герой України
  9. ↑ Анастасія Олехнович (9 кастрычніка 2022) Герой України Степан Тарабалка знищував окупантів у повітрі, аби захистити людей на землі (укр.) Армія.inform Праверана 1 мая 2022 г.
  10. ↑ ГЕРОЇ НЕ ВМИРАЮТЬ — ГЕРОЇ СЕРЕД НАС!..
  11. ↑ Слово владики Василія Івасюка на похороні Степана Тарабалка
  12. ↑ Larissa Brown (29 красавіка 2022) Ghost of Kyiv is alive in all pilots fighting for Ukraine, says air force (анг.). The Times. Праверана 5 мая 2022 г.
  13. ↑ Повітряні сили ЗСУ: українські військові не вчаться за кордоном літати на F-16, а «привид Києва» – це легенда ФОТО (укр.). Радіо Свобода (30 красавіка 2022). Праверана 1 мая 2022 г.
  14. ↑ Указ прэзыдэнта Ўкраіны ад 19 березня 2022 году № 148/2022 «Про присвоєння звання Герой України»
Атрымана з «https://be-tarask.wikipedia.org/w/index.php?title=Сьцяпан_Тарабалка&oldid=2403982»