Сыдні Кросьбі

Сыдні Кросьбі
Рост	180 см
Вага	91 кг
Пазыцыя	цэнтральны нападнік
Кідок/Ловы	левы[d]
Грамадзянства	Канада
Дата нараджэньня	7 жніўня 1987(1987-08-07) (38 гадоў)
Месца нараджэньня	Коўл-Гарбар[d], Галіфакс, Канада
Клюб	Пітсбург Пінгвінз
Драфт НХЛ	1, 2005 Пітсбург Пінгвінз
Гульнявая кар’ера	2005 — цяпер

Сы́дні Па́трык Кро́сьбі (па-ангельску: Sidney Patrick Crosby; нар. 7 жніўня 1987 году, Коўл-Гарбар, Галіфакс, Новая Шатляндыя, Канада) — канадзкі хакеіст, цэнтральны нападнік клюбу «Пітсбург Пінгвінз», які гуляе ў НХЛ, а таксама ягоны капітан. «Пінгвінамі» быў абраны на драфце ў 2005 годзе пад першым нумарам у першым жа раўндзе. У сэзоне 2006—2007 гадоў, набраўшы ў рэгулярным сэзоне 120 пунктаў (36 галоў і 84 перадачы), Кросьбі атрымаў Трафэй Арта Роса як найлепшы бамбардзір лігі. Ён стаў самым маладым хакеістам у гісторыі НХЛ, які здолеў гэтае зрабіць. У тым жа сэзоне Сыдні, акрамя Трафэя Арта Роса, атрымаў два іншыя найвышэйшыя індывідуальныя трафэі НХЛ — Памятны трафэй Гарта і Ўзнагарода Тэда Ліндсэя, — і стаў толькі сёмым хакеістам у гісторыі, які сабраў за сэзон такую калекцыю.

Кіраваны Кросьбі «Пітсбург» двойчы запар выходзіў у фінал Кубка Стэнлі, дзе абодва разы сустракаўся з «Дэтройт Рэд Ўінгс». У 2008 годзе «пінгвіны» саступілі ў сэрыі (2:4), аднак праз год узялі рэванш, атрымаўшы перамогу ў сэрыі зь лікам 4:3. На зімовых Алімпійскіх гульнях у Ванкувэры гуляючы за зборную Канады забіў пераможны гол у овэртайме фінальнага матчу супраць зборнай ЗША, стаўшы такім чынам алімпійскім чэмпіёнам.

Вонкавыя спасылкі

• Афіцыйны сайт (анг.) Праверана 13 жніўня 2013 г.
• Профіль (рас.). NHL.com. Праверана 13 жніўня 2013 г.
• Статыстыка (анг.) The Internet Hockey Database Праверана 13 жніўня 2013 г.