Станіслаў Асееў

Зьвесткі зь Вікіпэдыі — вольнай энцыкляпэдыі
Станіслаў Асееў
Асабістыя зьвесткі
Нарадзіўся 1 кастрычніка 1989(1989-10-01)[1] (34 гады)
Літаратурная дзейнасьць
Род дзейнасьці журналіст, пісьменьнік, актор, блогер
Мова расейская мова і украінская мова
Узнагароды

Станіслаў Уладзімеравіч Асееў, псэўданім Станіслаў Васін (па-ўкраінску: Станіслав Володимирович Асєєв; нар. 1 кастрычніка 1989, Данецк) — украінскі пісьменьнік, журналіст і блёгер, сябар Украінскага ПЭН. Аўтар рамана «Мэльхіёравы слон, ці чалавек, які думаў» (Рус. «Мельхиоровый слон, или Человек, который думал»). Пад псэўданімам Станіслаў Васін працаваў журналістам у акупаваным Данецку.

Быў выкрадзены 11 траўня 2017 году і ўтрымліваўся сэпаратыстамі з «ДНР» да 29 сьнежня 2019 году. Ляўрэат Нацыянальнай прэміі Ўкраіны імя Тараса Шаўчэнкі 2021 году за кнігу «У ізаляцыі».

Жыцьцяпіс[рэдагаваць | рэдагаваць крыніцу]

Нарадзіўся ў Данецку. У 2006 годзе скончыў агульнаадукацыйную школу ў горадзе Макееўка. У 2010 годзе — Данецкі дзяржаўны інстытут інфарматыкі і штучнага інтэлекту факультэт філязофіі і рэлігіязнаўства, у 2012 годзе — магістратуру Данецкага нацыянальнага тэхнічнага ўнівэрсытэту, факультэт кампутарных навук і тэхналёгій і атрымаў дыплём магістра рэлігіязнаўства з адзнакай.

Пасьля заканчэньня ўнівэрсытэту зьехаў у Францыю, каб уступіць у шэрагі францускага Замежнага легіёна. Вярнуўшыся ва Ўкраіну, зьмяніў шмат прафэсій: працаваў грузчыкам, стажорам у банку, далкопам, апэратарам у паштовай кампаніі, прадаўцом-кансультантам бытавой тэхнікі і да таго падобнае.

Пасьля 2014 году вырашыў застацца ў Данецку, хаця не прымаў ДНР. Працаваў пазаштатным карэспандэнтам украінскага бюро Свабоды ў Данецку. Працаваў з рознымі ўкраінскімі выданьнямі пад псэўданімам. Зьнік пасьля 2 чэрвеня 2017 году. Толькі 16 ліпеня баевікі ДНР абвесьцілі, што затрымалі Аўсеева праз абвінавачаньне ў шпіянажы. Большую частку зьняволеньня Станіслаў правёў у так званай «Ізаляцыі» — падпольнай турме ў Данецку. Станіслаў называе гэтае месца канцлягерам.

9 сьнежня 2020 яго вызвалілі з данбаскага палону ў межах абмену паміж так званымі «ДНР» і Ўкраінай. У месцах зьняволеньня, адно зь якіх Асееў называе канцлягерам, «данецкім Дахаў» мужчына правёў два з паловай гады.

Творы[рэдагаваць | рэдагаваць крыніцу]

Расейскамоўныя
  • Шестой день: сб. поэм, рассказов и стихов / Станислав Владимирович Асеев. — Донецк: Норд-Пресс, 2011. — 207 с. — ISBN 978-966-380-480-4[3]
  • Андерхилльские ведьмы: драма: в 2 ч. Проза / Станислав Владимирович Асеев. — Донецк: Донбасс, 2011. — 228 с. — ISBN 978-617-638-065-8[3]
  • Мельхиоровый слон, или Человек, который думал: Роман-автобиография / С. Асеев // Юность. — 2015. — № 1—6.
    • (передрук) Мельхиоровый слон, или Человек, который думал: роман-автобиография / Станислав Асеев. — Киев : Каяла, 2016. — 267 с. — ISBN 978-617-7390-05-2[3]
  • В ізоляції / Станіслав Асєєв, тексти, фото; передм. Мар’яни Драч, Сергія Рахманіна, Дмитра Крапивенка; ілюстр. Сергія Захарова // К.: Люта справа, 2018. — 208 с. — ISBN 978-617-7420-18-6 (прим.: присутні кілька українськомовних статей)[4]
Пераклады на ўкраінскую
  • Станіслав Асєєв. «Світлий шлях»: історія одного концтабору. Переклад з російської: Вікторія Стах. Львів: ВСЛ. 2020. 448 стор. ISBN 978-617-679-854-5

Крыніцы[рэдагаваць | рэдагаваць крыніцу]

  1. ^ сродкі масавай інфармацыі
  2. ^ https://id.loc.gov/authorities/no2018021356
  3. ^ а б в Національна бібліотека України імені В. І. Вернадського. Пошук за автором. Національна бібліотека України імені В. І. Вернадського.
  4. ^ Станіслав Асєєв — В ізоляції. docs.rferl.org. 2018  (рас.)  (укр.) (https://www.radiosvoboda.org/a/29275008.html опис/анотація книги на radiosvoboda.org)

Вонкавыя спасылкі[рэдагаваць | рэдагаваць крыніцу]

Атрымана з «https://be-tarask.wikipedia.org/w/index.php?title=Станіслаў_Асееў&oldid=2450169»