Скалодзіна
| Скалодзіна | |
| Агульныя зьвесткі | |
|---|---|
| Выток | каля в. Зялёны Мох |
| Вусьце | Прыпяць |
| Краіны басэйну | Беларусь |
| Вобласьці | Гомельская вобласьць |
| Даўжыня | 42 км |
| Сярэднегадавы сьцёк | 1,1 м³/с |
| Плошча басэйну | 275 км² |
| Нахіл воднай паверхні | 0,78 ‰ |
Скало́дзіна, Скало́дзінка — рака ў Мазырскім і Петрыкаўскім раёнах Гомельскай вобласьці, правы прыток ракі Прыпяці (басэйн Дняпра). Даўжыня 42 км. Плошча вадазбору 275 км². Выдатак вады ў вусьці 1,1 м³/с. Сярэдні нахіл воднай паверхні 0,78‰.
Асноўны прыток — рака Крапіўня (праваруч).
Агульныя зьвесткі
[рэдагаваць | рэдагаваць крыніцу]Пачынаецца каля паўднёвай ускраіны вёскі Зялёны Мох Мазырскага раёну, цячэ раўнінай Мазырскае Палесьсе, праз возера Глініцкае (у нізкай плыні). Упадае ў старарэчча на абалоне Прыпяці каля вёскі Шастовічы Петрыкаўскага раёну.
Даліна пераважна невыразная, зьліваецца з навакольнай мясцовасьцю, месцамі трапэцападобная, шырыня 0,3—1,2 км. Абалона перарывістая, на асобных дзялянках чаргуецца па берагах, вузкая (0,1—0,2 км), у нізкай плыні зьліваецца з абалонай Прыпяці. Рэчышча зьвілістае і слабазьвілістае; шырыня ракі 5—7 м, ніжэй за возера Глініцкае месцамі больш за 11 м.
Найвышэйшы ўзровень вады ў канцы сакавіка, найбольшае перавышэньне (у сярэдняй плыні) над найніжэйшай межаньню — 2,1 м. Замярзае ў пачатку сьнежня, крыгалом у сярэдзіне сакавіка. Веснавы ледаход 2 дні[1].
Крыніцы
[рэдагаваць | рэдагаваць крыніцу]- ^ Блакітная кніга Беларусі. Энцыкл. — Мн.: 1994. С. 335
Літаратура
[рэдагаваць | рэдагаваць крыніцу]- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 335