Сайман Бэйкер

Сайман Бэйкер
Дата нараджэньня	30 ліпеня 1969
Месца нараджэньня	Лонсэстан, Тасманія, Аўстралія
Прафэсія	актор
Кар’ера	1987 — цяперашні час
IMDb	ID 0048932

Сайман Бэйкер (па-ангельску: Simon Baker, таксама вядомы як Сайман Дэні (па-ангельску: Simon Denny); нарадзіўся 30 ліпеня 1969 году, Лонсэстан, Тасманія, Аўстралія) — аўстралійскі тэле- і кінаактор.

Біяграфія

Сайман нарадзіўся ў Лонсестане на востраве Тасманія, што належыць Аўстраліі, у сям’і Элізабэт Лабэртан, школьнай настаўніцы ангельскай мовы, і Бары Бэйкера, садоўніка й мэханіка. Ён вучыўся ў сярэдняй школе Баліны, якую скончыў у 1986 годзе. Затым Бэйкер зьехаў ў Сыднэй, каб вывучыцца на мэдбрата, аднак ён гэтак і не атрымаў дыплёму. Яго ўсё часьцей запрашалі на здымкі, пасьля таго як ён разам зь сябрам наведваў праслухоўваньні ў якасьці маральнай падтрымкі.

Сайман быў выгадаваны ў духу каталіцызму. Ён эмігрыраваў у Злучаныя Штаты ў 1995 годзе. Жанаты з аўстралійскай акторкай Рэбэкай Рыг. У пары ёсьць тры дзіцяці: Стэла, Клод і Гэры. Да нядаўняга часу яны пражывалі ў Малібу, Каліфорнія, пакуль актор на час не вярнуўся назад у Сыдней. У наш час сям’я жыве ў Лос-Анджэлесе.

Двойчы намінаваўся на прэмію Залаты Глёбус — у 2002 годзе за галоўную ролю ў сэрыяле «The Guardian» і ў 2010 г. за галоўную ролю ў сэрыяле «Мэнталіст».

Вонкавыя спасылкі

Сайман Бэйкер — сховішча мультымэдыйных матэрыялаў

• Simon Baker на allmovie^(анг.)
• Simon Baker на Tv.com^(анг.)
• Сайман Бэйкер^(анг.) на сайце IMDb