Рэфат Чубараў

Рэфат Чубараў
па-крымскататарску: Refat Abdurahman oğlu Çubarov
народны дэпутат Украіны[d]
12 траўня 1998 — 14 траўня 2002
народны дэпутат Украіны[d]
14 траўня 2002 — 25 траўня 2006
народны дэпутат Украіны[d]
25 траўня 2006 — 8 чэрвеня 2007
народны дэпутат Украіны[d]
15 траўня 2015 — 29 жніўня 2019
Кіраўнік Меджліса крымскататарскага народа[d]
з 27 кастрычніка 2013
Папярэднік	Мустафа Джамілеў
Асабістыя зьвесткі
Нарадзіўся:	22 верасьня 1957(1957-09-22) (67 гадоў) Самарканд, Узбэцкая Савецкая Сацыялістычная Рэспубліка, СССР
Партыя:	Наша Ўкраіна Эўрапейская салідарнасьць[d]
Адукацыя:	Маскоўскі гісторыка-архіўны інстытут[d] Расейскі дзяржаўны гуманітарны ўнівэрсытэт[d]
Узнагароды:
Рэфат Чубараў у Вікісховішчы

Рэфа́т Абдурахма́навіч Чуба́раў (па-крымскататарску: Refat Abdurahman oğlu Çubarov; 22 верасьня 1957, Самарканд, Узбэкістан) — украінскі крымскататарскі палітык і грамадзкі дзеяч. Народны дэпутат Украіны III—V і VIII скліканьняў. Старшыня Мэджлісу крымскататарскага народу (зь лістапада 2013), намесьнік Старшыні Рады прадстаўнікоў крымскататарскага народу (у 1999). З 2009 году — ганаровы прафэсар Кіева-магілянскай акадэміі.

Жыцьцяпіс

4 траўня 2014 году пракурор Рэспублікі Крым Натальля Паклонская вынесла папярэджаньне галаве Мэджлісу крымскататарскага народу Рэфату Чубараву пра недапушчэньне «вядзеньня экстрэмісцкай дзейнасьці». Папярэджаньне Паклонская асабіста зачытала Чубараву ў будынку Мэджлісу.

5 ліпеня 2014 году яму забаранілі ўезд на тэрыторыю Расеі (і, у прыватнасьці, у захоплены РФ Крым) тэрмінам на 5 гадоў. У сувязі з гэтым МЗС Украіны распаўсюдзіла заяву, у якой Расея названая турмой народаў:

Рэфат Чубараў падчас выступу з трыбуны Вярхоўнай рады Ўкраіны ў 2015 годзе

У кастрычніку 2014 году Чубараў не прайшоў у Вярхоўную раду Ўкраіны па сьпісах Блёку Пятра Парашэнкі, аднак у траўні 2015 году стаў народным дэпутатам, замест Сьцяпана Барны, якога прызначылі на пасаду главы Тэрнопальскай абласной адміністрацыі.

У траўні 2015 году адносна Чубарава расейскае ФСБ ўзбудзіла крымінальную справу па ч. 2 ар. 280.1 КК РФ («Публічныя заклікі да зьдзяйсьненьня дзеяньняў, скіраваных на парушэньне тэрытарыяльнай цэласьці РФ, зробленыя з выкарыстаньнем СМІ»). На думку расейцаў, «у красавіку 2015 году грамадзянін Украіны Рэфат Чубараў ў інтэрвію аднаму з украінскіх СМІ заклікаў вярнуць Крым у склад Ўкраіны». Паводле меркаваньня аналітычнага аддзелу «Сова» Аляксандра Вярхоўскага, крымінальная справа зьяўляецца «формай ціску» на Чубарава і «Мэджлі ў цэлым», з мэтай у будучыні заснаваньня «альтэрнатыўнага Мэджлісу». У лістападзе 2015 году Інтэрпал спыніў ініцыяваны Расеяй міжнародны вышук Чубарава.

Грамадзянская пазыцыя

6 сакавіка 2014 году Чубараў заклікаў жыхароў Крыму байкатаваць так званы «крымскі рэфэрэндум», бо пастанова аб яго правядзеньні «была прынятая неправавым спосабам». Выступаючы ў этэры «Hromadske.TV», Чубараў заявіў, што, згодна пастанове Мэджлісу крымскататарскага народу, крымскія татары не прызнаюць ніякага рэфэрэндуму ва ўмовах акупацыі. 15 сакавіка 2014 году на сайце Мэджлісу ён яшчэ раз выказаўся пра «крымскі рэфэрэндум», заявіўшы, што «16 сакавіка 2014 году ў Крыму будзе не рэфэрэндум, а клаўнада і цырк, якія будуць праводзіцца пад прыкрыцьцём узроеных салдат».

3 кастрычніка 2014 году, камэнтуючы суд, які адбыўся ў РФ над старшынёй Мілі Мэджлісу татарскага народу, актывісткай, пісьменьніцай Фаўзіе Байрамавай, Чубараў заявіў, што «бясспрэчна і тое, што свабоднае разьвіцьцё Крыму, вызваленага ад акупацыі Расейскай Фэдэрацыі, будзе забясьпечана ў складзе незалежнай Украіны і на падставе павагі права крымскататарскага народу на самавызначэньне і выкананьня правоў чалавека і асноўных свабод ўсіх яго жыхароў».