Рыта Ачкіна

	Рыта Ачкіна
Пэрсанальная інфармацыя
Поўнае імя	Рыта Мікалаеўна Ачкіна
Нарадзілася	1 лютага 1939 (85 гадоў); Магілёў, БССР
Грамадзянства	Беларусь
Рост	168 см
Вага	63 кг
Прафэсійная інфармацыя
Спэцыялізацыя	лыжныя гонкі
	Узнагароды і мэдалі

Ры́та Ачкіна (1 лютага 1939, Магілёў, БССР) — беларуская лыжніца, прызэрка Алімпійскіх гульняў, чэмпіёнка сьвету. Першая ўраджэнка Беларусі прызэрка зімовых Алімпійскіх гульняў. Майстар спорту СССР міжнароднай клясы (1966). Заслужаны майстар спорту СССР (1989).

Біяграфія[рэдагаваць | рэдагаваць крыніцу]

На зімовай Алімпіядзе 1964 году ў Інсбруку заняла 10-е месца ў гонцы на 5 км.

На зімовай Алімпіядзе 1968 году ў Грэноблі заваявала бронзу ў эстафэтнай гонцы, акрамя таго была 6-й у гонцы на 5 км.

На чэмпіянаце сьвету па лыжных відах спорту 1966 году ў Осла стала чэмпіёнкай у эстафэтнай гонцы і заваявала бронзу ў гонцы на 5 км.

У 1965 годзе стала абсалютнай чэмпіёнкай СССР, атрымаўшы перамогу ў асабістых гонках на 5 і 10 км і ў эстафэце.

З 1979 году — кіраўнік фізвыхаваньня Маскоўскага тэхнікуму чыгуначнага транспарту.

Пасьля завяршэньня спартовай кар’еры працавала настаўнікам фізкультуры ў пачатковай школе. У цяперашні час пражывае ў Маскве, па стане на 2010 год, нягледзячы на сталы ўзрост працягвала працаваць настаўнікам фізкультуры.

15 студзеня 2014 году Ачкіна плавала ў маскоўскім басэйне ЦСКА, ў нейкі момант ёй стала кепска і яна пачала тануць. Яе адвезьлі ў рэанімацыю маскоўскай Гарадской клінічнай бальніцы імя Боткіна, ёй дыягнаставалі інсульт^[1].