Рыльскі манастыр

Рыльскі манастыр
Інфармацыя пра манастыр
Поўная назва	Рыльскі манастыр
Канфэсія	праваслаўе
Заснаваны	канец X ст.
Людзі
Заснавальнік(і)	Ян Рыльскі
Асобы	Нэафіт Рыльскі
Месцазнаходжаньне
Разьмяшчэньне	Рыла, Кюстэндыльская вобласьць, Баўгарыя
Каардынаты	42°08′0″ пн. ш. 23°20′25″ у. д.
Рыльскі манастыр на мапе Баўгарыі Рыльскі манастыр

Ры́льскі манастыр (па-баўгарску: Рилски манастир) — гісторыка-архітэктурны комплекс у Баўгарыі, у гарах Рыла, непадалёк ад гораду Дупніца. Заснаваны ў 927—941 гадах манахам-пустэльнікам Іванам Рыльскім.

У XIV стагодзьдзі ў пэрыяд росквіту манастыра ўзьведзены архітэктурны комплекс (плошча 8,8 тыс. м²), які стаў вялікім дасягненьнем манумэнтальнай архітэктуры эпохі г. зв. баўгарскага адраджэньня. У Сярэднявеччы манастыр — цэнтар баўгарскай адукацыі й культуры. У часы турэцкага нашэсьця неаднаразова гарэў і рабаваўся. Моцна пацярпеў ад пажару 1833 году, адноўлены ў 1934—1960 гадах.

Звонку мае строгі крапасны характар. Жылыя карпусы ўтвараюць замкнёны 5-кутны ў пляне маляўнічы ўнутраны двор з ажурнымі аркадамі, калянадамі, адкрытымі галерэямі. Сярод архітэктурных помнікаў: каменная вежа Хрэля (1335, рэшткі старажытных росьпісаў), царква сьвятога Лукі (1799), саборны 5-купальны храм Раства Маці Божай (1834—1860 гг., майстар Павал) з 2-колернай муроўкай, лёгкай адкрытай заходняй галерэяй, хвалістымі абрысамі карнізаў (у інтэр’еры захаваліся росьпісы, разны дэкор; іканастас, 1839—1844 гг.). У музэі манастыра — багаты збор сярэднявечнага дэкаратыўна-прыкладнога мастацтва.

Рыльскі манастыр уключаны ў Сьпіс Сусьветнай спадчыны ЮНЭСКО.

Глядзіце таксама

• Рыльскія глагалічныя лісткі

Вонкавыя спасылкі

Рыльскі манастыр — сховішча мультымэдыйных матэрыялаў

• Афіцыйны сайт Рыльскага манастыра  (баўг.)
• Рыльскі манастыр на сайце Bulgarian Monastery  (анг.)