Робэрт Майлз
Робэрт Майлз | |
| Roberto Concina | |
_(377x500).jpg) | |
| Дата нараджэньня | 3 лістапада 1969 |
|---|---|
| Месца нараджэньня | Фляр’е, Нэўшатэль, Швайцарыя |
| Дата сьмерці | 9 траўня 2017 (47 гадоў) |
| Месца сьмерці | Ібіца |
| Прычына сьмерці | рак[1] |
| Грамадзянства | Італія |
| Прафэсія | дыджэй |
| Гады дзейнасьці | 1984-2012 |
| Псэўданімы | Roberto Milani[2] і Robert Miles |
| Жанры | дрымгаўс, транс, даўнтэмпа, джаз-ф'южн |
| Інструмэнты | сынтэзатар |
| Псэўданімы | Roberto Milani[2] і Robert Miles |
| Лэйблы | S:alt Records |
| Узнагароды | |
Робэрт Майлз (па-ангельску: Robert Miles, народжаны па-італьянску: Roberto Concina, 3 лістапада 1969 году, Фляр’е, Швайцарыя) — італьянскі дыджэй і кампазытар, які працаваў у розных стылях электроннай музыкі, пачынальнік жанру «дрым-гаўс».
Біяграфія
[рэдагаваць | рэдагаваць крыніцу]Нарадзіўся ў абшчыне Фляр’е кантону Нэўшатэль у Швайцарыі[3]. Зь дзяцінства займаўся ігрою на фартэпіяна і далей пачаў працаваць як дыджэй. Выступаючы ў італьянскіх клюбах з 1988 году і сабраўшы неабходную суму, у 1990 годзе Робэрт купляе ўжо карыстанае абсталяваньне для ставрэньня ўласнае студыі, але ягоныя першыя працы не заўважаюцца публікай.
У 1994 годзе Майлз стварае сваю сама вядомую працу — кампазыцыю «Children». Цягам двох тыдняў пасьля афіцыйнага выданьня ў 1995 годзе, самотнік прадаецца больш як 30 000 копіяў па ўсёй Эўропе, узначаліўшы гіт-парады многіх краінаў. Запіс атрымоўвае статус плятынавага ў Вялікабрытаніі і Нямеччыне і залатога ўва многіх іншых краінах.
Наступным самотнікам стаецца «Fable» вакал у якім належыць Фіярэле Кўін (Fiorella Quinn). Дэбютны альбом Майлза, «Dreamland», выдадзены 7 чэрвеня 1996 году, у Эўропе стаецца вельмі пасьпяховым, празь некалькі дзён у ЗША выдаецца яго пашыраная вэрсія, што зьмяшчае песьню «One and One», вакал у якой належыць Марыі Нэйлер. Песьня набывае папулярнасьць і выдаецца як самотнік у ЗША і Вялікабрытаніі.
У лістападзе 1997 Майлз выдае песьню «Freedom», якая ёсьць адною з асноўных на альбоме «23am», выпушчаным 27 лістапада 1997 году. Альбом выкананы з пэўнымі адрозьненьнямі ад «Dreamland» — большай колькасьцю кампазыцыяў з вакальным суправаджэньнем.
11 чэрвеня 2001 году на вініле і CD выпушчаны альбом «Organik». Майлз адыходзіць ад ранейшага стылю, стварыўшы 12 кампазыцыяў у стылях эмбіент, даўнтэмпа, этнічнай музыкі.
Напрыканцы 2003 году Майлз пераяжджае зь Лёндану ў Лос-Анджэлес засноўвае ўласны лэйбл «S:alt Records», у 2004 годзе выпускаюцчы на ім альбом «Miles Gurtu».
У 2009—2010 Майлз запісвае альбом «Th1rt3en». Рэліз альбому адбыўся 7 лютага 2011 году ўва ўсім сьвеце, і 15 лютага ў Паўночнай Амэрыцы. 10 сьнежня 2011 году Робэрт Майлз выступіў з канцэртам у Кіеўскім клюбе «Sullivan Room»[4].
Робэрт Майлз памёр пасьля непрацяглай барацьбы з ракам 9 траўня 2017 на гішпанскім востраве Ібіца[5].
Дыскаграфія
[рэдагаваць | рэдагаваць крыніцу]- 1996 — Dreamland
- 1997 — 23am
- 1997 — In the mix
- 2001 — Organik
- 2002 — Organik Remixes
- 2004 — Miles Gurtu
- 2011 — Th1rt3en
Крыніцы
[рэдагаваць | рэдагаваць крыніцу]- ^ http://www.bbc.co.uk/news/entertainment-arts-39869009
- ^ а б Нацыянальная служба Чэскай рэспублікі
- ^ Біяграфія Робэрта Майлза (анг.) Архіўная копія
- ^ Robert Miles Pandora Winter — фотаспараваздача. Праверана 20 мая 2017 г.
- ^ Ankeny J. Artist Biography (анг.) allmusic.com Праверана 20 мая 2017 г.
Вонкавыя спасылкі
[рэдагаваць | рэдагаваць крыніцу]- Афіцыйны сайт Архіўная копія
- Расейскі неафіцыйны сайт
- Неафіцыйны сайт Архіўная копія
- Robert Miles у музычнай энцыкляпэдыі Shalala
- Robert Miles у мэдыя энцыкляпэдыі Tagoopedia
- Рэцэнзія: Robert Miles «Thirteen» (2011)
 |
Гэта — накід артыкула па музыцы. Вы можаце дапамагчы Вікіпэдыі, пашырыўшы яго. |
 | На гэты артыкул не спасылаюцца іншыя артыкулы Вікіпэдыі. Калі ласка, прастаўце спасылкі на яго ў іншых артыкулах. |