Раянэйр

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
«Раянэйр»
Ryanair logo.svg
Ryanair Boeing 737-800 EI-EBX.jpg
Заснаваная1984 (37 гадоў таму)
Колькасьць самалётаў419
Прызначэньні220
Штаб-кватэраДублін, Ірляндыя
Лік супрацоўнікаў12438 (2017)
Сайтryanair.com

«Раянэйр»[1] (анг. Ryanair, NASDAQ: RYAAY, LSE: RYA , Шаблён:Ise) — авіякампанія Ірляндыі, заснавная ў 1984 годзе.

На 2021 год была адной з самых вялікіх ў Эўропе. Галоўны офіс знаходзіцца ў Суордсе, графства Дублін. Заснаваная ў 1984 годзе ірляндзкім міліянэрам Тоні Райанам (1936—2007), Крысам Райанам і Ліамам Ланэрганам (ўладальнікам турыстычнага агенства). У 1985 годзе кампанія лётала па адзінаму маршруту Уотэрфордаэрапорт Гатвік (Лёндан) на бразыльскім 15-мясцовым Embraer Bandeirante. Старшыня рады дырэктароў — Дэвід Бандэрмэн, генэральны дырэктар — Майкл О’Ліры.

Дзейнасьць[рэдагаваць | рэдагаваць крыніцу]

16-11-16-Glasgow Airport-RR2 7312.jpg

«Раянэйр» абслугоўвае звыш 1600 напрамкаў паміж 180 аэрапортамі ў 28 эўрапейскіх краінах і Марока, зьдзяйсьняючы больш за 1600 рэйсаў у суткі[2]. Асноўным аэрапортам - хабам для авіякампаніі зьяўляецца Лёнданкі Станстэд. Найбольш загружаным і прыбытковым рэйсам авіякампаніі зьяўляецца маршрут Лёндан - Дублін.

Кампанія прадстаўляе кліентам скарочаны набор паслуг. Аэрапорты, якія выкарыстоўваюцца «Раянэйрам», як правіла, знаходзяцца на значнай адлегласьці ад гарадоў, якія абслугоўваюцца імі (напрыклад, аэрапорт Франкфурт-Хан далёка ад Франкфурту на 140 км). Усё гэта дазваляе падтрымліваць кошт квіткоў на мінімальным узроўні.

На тэрыторыі постсавецкай прасторы кампанія зьдзяйсняе рэйсы ў Кіеў, Харкаў, Адэсу, Львоў, Рыгу, Вільню, Коўна, Палангу і Талін.

Для жыхароў Беларусі інтарэс ўяўляюць аэрапорты Вільні, Коўна, Варшавы, Любліну, Львову і Кіеву.

За 2011 год было перавезена 75 814 551 пасажыраў. За 2016 год было перавезена 106,8 млн пасажыраў. «Раянэйр» выйшаў на першае месца паводле пасажыраабароту ў Эўропе, абагнаўшы «Люфтганзу».

У траўні 2017 году авіякампанія «Раянэйр» падпісала код-шэрынгавае пагадненьне з гішпанскай авіякампаніяй «Эйр Эўропа» для продажу квіткоў на міжкантынэнтальныя рэйсы[3].

Крыніцы[рэдагаваць | рэдагаваць крыніцу]

  1. ^ Як па-вашаму, сваёй рэакцыяй на пасадку «Раянэйра» краіны Эўропы... // Партал «Наша ніва», 29 траўня 2021 г. Праверана 6 чэрвеня 2021 г.
  2. ^ RyanAir: About Us. // ryanair.com. Праверана 2011-7-7 г.
  3. ^ Ryanair Website To Sell Air Europa Long Haul Flights Праверана 2018-04-02 г. Архіўная копія ад 2018-04-02 г.