Пярэспа (рака)
Каардынаты: 53°55′5.66″ пн. ш. 27°32′59.36″ у. д. / 53.9182389° пн. ш. 27.5498222° у. д. Пярэ́спа — невялікая рэчка, левы прыток Сьвіслачы (басэйн Дняпра), якая дала назву гістарычнай мясцовасьці ў Менску.
| Пярэспа лац. Piarespa | |
 Пярэспа на старой мапе Менску | |
| Агульныя зьвесткі | |
|---|---|
| Выток | Камароўскае балота |
| Вусьце | Сьвіслач |
| Краіны басэйну | .svg){kind=small} Беларусь
|
| Вобласьці | Менская вобласьць |
| Даўжыня | 2 км |
| Гарады на рацэ | Менск |
| Месцазнаходжаньне | |
| Пярэспа на мапе | |
Упадала ў Сьвіслач паміж менскімі прадмесьцямі Старажоўкай і Пярэспай, у раёне Старавіленскага тракту. Паводле легенды на ёй быў пабудаваны млын легендарнага асілка Мянеска, што заснаваў Менск.
Гісторыя
[рэдагаваць | рэдагаваць крыніцу]Па легендзе, на вадаспадзе ў месцы ўпадзеньня Пярэспы ў Сьвіслач быў пабудаваны млын волата Менска, з чаго пачаў сваё існаваньне Менск. У 1922 годзе ў раку ўпадаў магістральны канал асушальнай сеткі Камароўскага балота. У Пярэспу ўпадала цяпер няісная рака Віранка. У 1975 годзе рака была заключана ў падземны ліўневы калектар, які ў асяроддзі менскіх дыгераў называецца Фарфоравым, а афіцыйна Камароўскім.
Геаграфія
[рэдагаваць | рэдагаваць крыніцу]Выток Пярэспы знаходзіўся на тэрыторыі Камароўскага балота (цяпер у Парку Сяброўства Народаў), каля месца скрыжаваньня вуліцаў Кульман і Карастаянавай. Рэчка працякала па тэрыторыі, дзе зараз разьмяшчаецца кацельная Цэнтральнага раёна, затым уздоўж вуліцы Гая, і па тэрыторыі фарфоравага завода ў бок скрыжаваньня вуліцаў Машэрава, Даўмана і Старажоўская. Вусьце разьмяшчаецца паміж спартыўным комплексам Дынама і праспэктам Машэрава, рака ўпадала ў Сьвіслач невялікім вадаспадам. Цяпер побач з вусьцем знаходзіцца 150-мэтровы вадасьцёк, які заканчваецца ўваходам у калектар.