Пружанскі завод радыёдэталяў
| Тып | Адкрытае акцыянэрнае таварыства |
|---|---|
| Заснаваная | 1967 |
| Разьмяшчэньне | Беларусь, 225133, Берасьцейская вобласьць, Пружаны, вул. Чырвонаармейская, 81 |
| Ключавыя фігуры | Віктар Каліх |
ААТ Пружа́нскі заво́д радыёдэта́ляў — прамысловае прадпрыемства ў Пружанах Берасьцейскай вобласьці, заснаванае ў 1967 року.
Уваходзіць у склад прадпрыемстваў Міністэрства прамысловасьці Рэспублікі Беларусь.
Вытворчасьць
[рэдагаваць | рэдагаваць крыніцу]- распрацоўка канструктарскае дакумэнтацыі;
- інструмэнтальная вытворчасьць;
- ліцьцё тэрмаплястаў;
- ліцьцё рэактаплястаў;
- прэсаваньне рэактаплястаў;
- халоднае штампаваньне;
- мэханаапрацоўка мэталаў, рамонт і выраб запчастак для тэхнікі АПК;
- гальванічнае пакрыцьцё вырабаў з мэталу (цынк, цына—бісмут, нікель, храмаваньне, срэбраньне) ў звонах і барабанах[1][2].
Мінуўшчына
[рэдагаваць | рэдагаваць крыніцу]Заснаваны ў 1967 року як філія 1-га Маскоўскага заводу радыёдэталяў. У траўні 1968 першыя супрацоўнікі былі накіраваныя на стажыраваньне ў Маскву. У сьнежні таго ж року была выпушчаная першая прадукцыя — пераменныя рэзыстары СП3-4.
Завод займаўся вытворчасьцю радыёдэталяў (рэзыстараў) для вайсковае радыёэлектроннае апаратуры. Вытворчасьць была засакрэчаная, і прадпрыемства наогул нельга было згадваць у друку[3].
Першы драўляны будынак заводакіраваньня на вуліцы Чырвонаармейскай не захаваўся. Новы галоўны корпус збудаваны на месцы былога стадыёну.
У пачатку 90-х рокаў вытворчасьць рэзыстараў заняпала, і профіль прадпрыемства перакваліфікаваны. Былі спробы выпускаць мэблевую фурнітуру, плястмасавыя цацкі, мэталаканструкцыі, дробныя мэталічныя запчасткі.
У цяперашні час частка плошчаў здаецца ў арэнду прыватным прадпрыемствам. 25 сакавіка 2012 року на складзе аднаго з арандатараў — ААТ «Нятканы сьвет» — адбыўся пажар, плошча якога склала 2400 м². На тушэньне пажару спатрэбіліся 4 гадзіны, 15 адзінак тэхнікі і 40 выратавальнікаў[4].
Крыніцы і заўвагі
[рэдагаваць | рэдагаваць крыніцу]- ^ «Пружанский завод радиодеталей» ОАО (рас.) Energo Belarus Праверана 6 жнищня 2015 г.
- ^ Добро пожаловать на сайт (рас.). Пружанскі завод радыёдэталяў. Праверана 6 жніўня 2015 г.
- ^ Міхаіл Міхаевіч. Ваенная тайна, якая ледзь не загубіла завод // Звязда. — 22 траўня 2003. — № 123 (24807).
- ^ Пожар на территории завода радиодеталей в Пружанах тушили почти 4 часа. TUT.BY (25 сакавіка 2012). Праверана 26 сакавіка 2012 г.
Вонкавыя спасылкі
[рэдагаваць | рэдагаваць крыніцу]52°33′47″ пн. ш. 24°28′45″ у. д. / 52.56306° пн. ш. 24.47917° у. д.Каардынаты: 52°33′47″ пн. ш. 24°28′45″ у. д. / 52.56306° пн. ш. 24.47917° у. д.
- Афіцыйная бачына (рас.)
- Пружанскі раённы выканаўчы камітэт (рас.)
- Міністэрства прамысловасьці Рэспублікі Беларусі (рас.)
| ||||||||