Праваслаўныя могілкі (Горадня)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Праваслаўныя могілкі (Старыя, Рускія, Сафійскія, Ерусалімскія, могілкі па Антонава) — даўнія могілкі праваслаўнай грамады Горадні.

Гісторыя[рэдагаваць | рэдагаваць крыніцу]

Былі закладзены на пачатку XIX ст. Могілкі моцна пацярпелі падчас баёў у 1915, 1939, 1944 гадах. Зачыненыя ў 1973 годзе.

У другой палове XIX ст. тут была пабудавана Царква прападобнай Марфы — помнік архітэктуры позьняга клясыцызму. У 1890 годзе пры браме на грошы мешчаніна С. Талочкі была пабудавана капліца ў гонар Уваскрасеньня Хрыстова.

У 1957 годзе на магіле ста дваццаці савецкіх ваеннапалонных пастаўлены помнік. У 1958 годзе помнік зьявіўся на магіле пяцісот сямідзесяці воінаў, партызан і мірных жыхароў, якія загінулі ў Вялікую Айчынную вайну. У 1959 годзе скульптура воіна пастаўлена на магіле, дзе пахаваны астанкі чатырыста дзевяноста савецкіх салдатаў, якія загінулі ў баях у ліпені 1944 году.

Асобы, пахаваныя на могілках[рэдагаваць | рэдагаваць крыніцу]

  • Марыя Багдановіч (Мякота) — маці Максіма Багдановіча,
  • Е. Арлоўскі — гісторык
  • М. Дзьмітрыеў — этнограф
  • П. Кавалеўскі — філёляг
  • Небальсін — архітэктар
  • Раманаў — архітэктар
  • К. Кемарскі — мэдык
  • А. Райпольскі — мэдык
  • епіскап Ігнаці (Жалязоўскі)
  • Міхась Васілёк (сапр. Міхаіл Восіпавіч Касьцевіч) (1905—1960) — беларускі паэт

Вонкавыя спасылкі[рэдагаваць | рэдагаваць крыніцу]