Помнік Мюнхгаўзэну ў Глыбокім

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
помнік
Помнік Мюнхгаўзэну
Тыя самыя вішні, з якімі хадзіў на паляваньне барон Мюнхгаўзен.jpg
Краіна Беларусь
Горад Глыбокае
Каардынаты 55°08′24.4″ пн. ш. 27°42′15.8″ у. д. / 55.140111° пн. ш. 27.704389° у. д. / 55.140111; 27.704389Каардынаты: 55°08′24.4″ пн. ш. 27°42′15.8″ у. д. / 55.140111° пн. ш. 27.704389° у. д. / 55.140111; 27.704389
Будаўніцтва 201420 траўня 2014
Помнік Мюнхгаўзэну на мапе Беларусі
Помнік Мюнхгаўзэну
Помнік Мюнхгаўзэну
Помнік Мюнхгаўзэну

У горадзе Глыбокае (Віцебская вобласьць, Беларусь), на мясцовых могілках, знаходзіцца пахаваньне Фэрдынанда і Вільгельміны фон Мюнхгаўзэн (ням. Ferdynand u. Wilhelmine von Muenchhausen).

Месца пахаваньня[рэдагаваць | рэдагаваць крыніцу]

Крыж на месцы пахаваньня Фэрдынанда і Вільгельміны фон Мюнхгаўзэн

Магілу з прозьвішчам вядомага літаратурнага героя Мюнхаўзэна расшукаў вядомы глыбоцкі краязнаўца і журналіст Уладзімер Скрабатун.

Глыбоцкі Мюнхгаўзэн памёр 31 сакавіка 1878 году ў адзін дзень са сваёй жонкай, і хто ён быў у рэальнасьці, ніхто ўжо не ведае. Але прыгожую легенду, што ў Глыбокім пахаваны вядомы пэрсанаж, узялі на ўзбраеньне мясцовыя ўлады[1].

Месца пахаваньня карыстаецца вельмі вялікай папулярнасьцю ў турыстаў, што наведваюць Глыбокае. А глыбоцкія камунальнікі нават пафарбавалі крыж у жоўты колер, таму магілу лёгка знайсьці. Глыбоцкія ўлады маюць намер стварыць музэйную экспазыцыю, прысьвечаную знакамітаму барону.

Помнік[рэдагаваць | рэдагаваць крыніцу]

Помнік Мюнхгаўзэну ў Глыбокім

20 траўня 2014 году, напярэдадні сьвяткаваньня 600-годзьдзя горада, у Глыбокім усталявалі помнік барону Мюнхгаўзэну, літаратурнаму герою з падзорнай трубой, які на ядры вылятае з гарматы[2].

Над помнікам знакамітаму казачнаму герою працавалі больш як дзесяць кавалёў. На працу спатрэбілася некалькі месяцаў. Помнік выглядае як у прыпавесьці: Мюнхгаўзэн сядзіць на ядры, якое вылятае з гарматы, а на выпадак паляваньня на яго капялюшы назапашаныя вішні.

У Глыбокім да прыпавесьці аб Мюнхгаўзэне ставяцца сур’ёзна. Жыхары горада кажуць, што ён паляваў на аленяў менавіта ў тутэйшых лясах.

Крыніцы[рэдагаваць | рэдагаваць крыніцу]