Парыж (футбольны клюб)
| Парыж | |
 | |
| Поўная назва | Paris Football Club |
|---|---|
| Заснаваны | 1969 |
| Горад | Парыж, Францыя |
| Стадыён | Шарлеці Умяшчальнасьць: 20 000 |
| Галоўны трэнэр | |
| Чэмпіянат | Ліга 1 |
| · 2025—2026 | 11 месца |
 Галерэя здымкаў у ВікісховішчыАфіцыйны сайт | |
«Парыж» (па-француску: Paris) — францускі футбольны клюб з гораду Парыжу. Заснаваны ў 1969 годзе. Свае хатнія матчы ладзіць на стадыёне Шарлеці, які месьціцца ў 13-й акрузе Парыжу. З 2024 году найбольшай дзелю акцыяў валодае сям’я Арно, маючы на сёньня 52,4 % акцыяў. Аўстрыйскаму канглямэрату Red Bull належыць 10,6 % акцыяў.
Гісторыя
[рэдагаваць | рэдагаваць код]У спробе аднавіць прафэсійны футбол у сталіцы 1 жніўня 1969 году быў закладзены футбольны клюб «Парыж». На мэце была пастаўленая задача на выступы каманды ў першым дывізіёне ўжо ў хуткім часе. Прапановы аб’яднаньня з «Сэданам» былі адхіленыя, таму «Парыжу» давялося далучыцца да другога дывізіёну. У хуткім часе каманда здолела аб’яднацца з «Пары Сэн-Жэрмэн», які на той час быў прадстаўніком Парыжу ў Лізе 1. Цяперашні футбольны клюб «Парыж» паўстаў у 1972 годзе, калі клюб аддзяліўся ад «Пары Сэн-Жэрмэну», бо сталічны мэр адмовіўся падтрымаць непарыскі клюб. Справа ў тым, што першапачаткова клюб месьціўся ў грамадзе Сэн-Жэрмэн-ан-Ле. У выніку «Парыж» і «Пары Сэн-Жэрмэн» сталіся асобнымі футбольнымі клюбамі.
У пачатку сэзону 1972—1973 гадоў «Парыж» гуляў у першым дывізіёне, прымаючы гасьцей на стадыёне Парк дэ Прэнс. Праз два сэзоны клюб вылецеў у другі дывізіён, што супала з выхадам «Пары Сэн-Жэрмэн» у найвышэйшы дывізіён і пераездам гэтай каманды на Парк дэ Прэнс. Пасьля чатырох гадоў у другім дывізіёне «Парыж» вярнуўся ў элітны дывізіён у сэзоне 1978—1979 гадоў. Тым ня менш, сэзон быў цяжкім і прывёў да таго, што клюб выбыў у дывізіён ніжэй адразу па вяртаньні.
У 1983 годзе футбольны клюб «Парыж», якім тады валодаў прамысловец Жан-Люк Лягардэр, аб’яднаўся з клюбам «Расінг». У той час як «Расінг» заставаўся ў першым дывізіёне, такая частка структуры, якая працягвала быць «Парыжам» трапіла ў чацьверты дывізіён. Праз абмежаваныя рэсурсы парыская каманда апынулася ў пятым дывізіёне, але хутка вярнулася ў чацьверты дывізіён у 1988 годзе. У наступным сэзоне парыжане здабылі месца ў трэцім дывізіёне, дзе заставаліся яажно 12 гадоў. У 2000 годзе клюб апусьціўся ў аматарскі чэмпіянат Францыі. У ліпені 2020 году ў каманды зьявіўся новы стратэгічны эканамічны партнэр, якім стала кіраўніцтва каралеўства Бахрэйну. Дамову была завершаная капітальнымі ўкладаньнямі дзеля паляпшэньня фінансавага стану клюбу, што дало каралеўству 20 % акцыяў. У дадатак да гэтых інвэстыцыяў, Бахрэйн стаў галоўным спонсарам клюбу.
Рада Парыжу мусіла прагаласаваць за аднаўленьне штогадовай субвэнцыі, якую горад звычайна вылучае парыскаму клюбу, але некалькі некамэрцыйных арганізацыяў, якія базуюцца ў Парыжы, заклікалі мескія ўлады зьвярнуць увагу на парушэньні правоў чалавека і сьмяротным пакараньні ў Бахрэйне. Парыская рада абвінаваціла каралеўства ў адцягненьні грамадзкай увагі ад злоўжываньняў з дапамогай такога папулярнага віду спорту, як футбол. Рада заклікала вызваліць усіх затрыманых, асуджаных Бахрэйнам на падставе прызнаньняў, атрыманых з дапамогай катаваньняў. У кастрычніку 2024 году паведамлялася, што сям’я Арно набудзе ў мажарытарны пакет акцыяў, у той час як мінарытарным пакетам завалодае канцэрн Red Bull GmbH[2].
Склад
[рэдагаваць | рэдагаваць код]- Актуальны на 21 лютага 2026 году
|
|
.svg){kind=small}
