Палярныя Зоры

	Палярныя Зоры
	рас. Полярные Зори
Герб Палярных Зораў
Дата заснаваньня:	1968
Краіна:	Расея
Суб’ект фэдэрацыі:	Мурманская вобласьць
Гарадзкая акруга:	горад Палярныя Зоры
Плошча:	940 км²;
Вышыня:	120 м н. у. м.
Насельніцтва:	▼14 078 чал. (2023);
Часавы пас:	UTC+3
Тэлефонны код:	81532
Паштовы індэкс:	184230
Нумарны знак:	51
Геаграфічныя каардынаты:	67°21′57″ пн. ш. 32°29′53″ у. д. / 67.36583° пн. ш. 32.49806° у. д.Каардынаты: 67°21′57″ пн. ш. 32°29′53″ у. д. / 67.36583° пн. ш. 32.49806° у. д.
	Палярныя Зоры на мапе Расеі Палярныя Зоры
	Галерэя здымкаў у Вікісховішчы
	http://www.pz-city.ru/

Паля́рныя Зо́ры (рас. Поля́рные Зо́ри) — горад (з 1991) у Мурманскай вобласьці Расеі. Утварае гарадзкую акругу горад Палярныя Зоры. Каля гораду знаходзіцца Кольская АЭС. Насельніцтва — 15 249 чалавек (2010 год).

Гарадзкая акруга

Законам Мурманскай вобласьці ад 2 сьнежня 2004 году №535-01-ЗМО муніцыпальнае ўтварэньне горад Палярныя Зоры з падведамаснай тэрыторыяй надзеленае статусам гарадзкой акругі з населенымі пунктамі: Палярныя Зоры (адміністратыўны цэнтар акругі), Зашэек, Афрыканда і Пірэнга. Пасёлак Пірэнга быў зьліквідаваны ў 2007 годзе і выключаны са складу гарадзкой акругі. Колькасьць насельніцтва гарадзкой акругі Палярныя Зоры складае 18 040 чалавек (2010).^[2]

Гісторыя

Населены пункт Палярныя Зоры быў уключаны ва ўліковыя зьвесткі і атрымаў статус працоўнага пасёлку рашэньнем Мурманскага аблвыканкаму №640 ад 20 сьнежня 1973 году.

Статус гораду абласнога падпарадкаваньня быў нададзены Ўказам Прэзыдыюму Вярхоўнага Савету РСФСР ад 22 красавіка 1991 году. Раней пасёлак і прылеглая тэрыторыя падпарадкоўваліся гарадзкому савету гораду Апатыты.

Старшынём кіраваньня будаўніцтва, фактычна заснавальнікам гораду Палярныя і Кольскай АЭС, быў Аляксандар Сьцяпанавіч Андрушэчка.

Прадпрыемствы

Градаўтваральным прадпрыемствам зьяўляецца Кольская АЭС, на якой уладкаваныя каля 2000 чалавек.^[3] На працы ў муніцыпальных прадпрыемствах занятыя каля тысячы чалавек.^[4]

Таксама ў горадзе дзейнічаюць Ніва ГЭС-1 (26 МВт), ААТ «Атомэнергоремонт», Кольская Электромонтажная Компания «ГЭМ», ААТ «Энергоспецмонтаж», «Монтажно-строительное управление № 10», Р-Транс, электрычная (на 54 МВт) і мазутная кацельныя, мэдыкасанітарная частка №118, саўгас «Нивские Берега», аддзяленьні Сбербанка Расеі, некалькі супэрмаркетаў і іншыя прадпрыемствы.

Крыніцы

Злучыць^?

[_e132b5478fd4e3f3-1] ttps://rosstat.gov.ru/compendium/document/13282 (рас.) — Росстат, 2023.

[2] Численность постоянного населения Российской Федерации по городам, поселкам городского типа и районам на 1 января 2010 г. Росстат (рас.)

[3] Кольская АЭС: полярнозоринцы получат награды конкурса «Инженер года-2008» (рас.)

[4] Муниципальные предприятия и учреждения на сайте города (рас.)

[1]

[2]

[3]

[4]