Падцарства (біялёгія)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Клясыфікацыйная дыяграма

Падцарства — герархічная ступень навуковай клясыфікацыі біялягічных відаў. Таксон высокага ўзроўню, наступный пасьля царства.

Падцарства не зьяўляецца асноўным таксонам, таму выкарыстаньне тэрміна абумоўлена ў вядомай ступені зручнасьцю біялягічнай сыстэматыкі і трывае значныя зрухі. У другой палове XX ст. панятак падцарства быў дастаткова распаўсюджаным. Гэтак, у надцарства пракарыётаў уваходзіла адзінае царства драбянак, якое падзялялася на падцарствы бактэрыяў і цыянаў. У цяперашні час гэтыя тэрміны ў першапачатковым значэньні не ўжываюцца.

Тады ж царства грыбоў падзялялася на падцарствы ніжэйшых грыбоў і вышэйшых грыбоў, царства расьлінаў падзялялася на падцарства ніжэйшых расьлінаў і вышэйшых расьлінаў. І гэтыя падзелы практычна выйшлі з ужываньня.

У цяперашні час тэрмін «падцарства» прымяняецца да жывёлаў, пратыстаў (прасьцейшых), а таксама да групаў нядаўна выдзеленага царства храмістаў (Chromista). Сярод пратыстаў называюць

  • (Biciliata)
  • (Sarcomastigota)

Падзел царства жывёлаў на падцарствы неадназначны, але часта сустракаюцца наступныя назвы:

  • Прасьцейшыя жывёлы — агнатазоі (Agnotozoa)
  • Многакаморкавыя жывёлы — паразоі (Parazoa), прадстаўленыя губкамі
  • Сапраўдныя многакаморкавыя жывёлы — эўмэтазоі (Eumetazoa).

Літаратура[рэдагаваць | рэдагаваць крыніцу]

  • Thomas Cavalier-Smith: Protist phylogeny and the high-level classification of Protozoa, Europ. J. Protistol. 39, 338—348 (2003).