Паганка шэрашчокая
| Паганка шэрашчокая | |
.jpg) | |
| Клясыфікацыя | |
|---|---|
| Царства | Жывёлы |
| Кляса | Птушкі |
| Атрад | Паганкападобныя |
| Сямейства | Паганкавыя |
| Від | Паганка шэрашчокая |
| Бінамінальная намэнклятура | |
| Podiceps grisegena | |
Паганка шэрашчокая, коўра шэрашчокая[1] (па-лацінску: Podiceps grisegena) — птушка з атраду паганкападобных (Podicipediformes) сямейства паганкавых (Podicipedidae). Рэдкі від, занесены ў Чырвоную кнігу Рэспублікі Беларусь.
Сярэдняя даўжыня цела паганкі шэрашчокай дасягае 40—46 сантымэтраў. Размах крылаў ад 80 да 85 сантымэтраў. Важыць птушка каля 500—800 грамаў. Галава невялікая, зь невялікім чубчыкам на патыліцы. Дзюба чорная, прамая, жаўтаватая каля заснаваньня. Палавы дымарфізм ня вызначаны, самец і самка маюць аднолькавую афарбоўку пер’я.
Жыцьцёвы арэал
[рэдагаваць | рэдагаваць крыніцу]У Цэнтральнай Эўропе шэрашчокая паганка сустракаецца толькі ў Польшчы і Шлезьвіг-Гальштайне, але дастаткова рэдка. Асноўнай тэрыторыяй пашырэньня альбо гнездавальнымі рэгіёнамі зьяўляюцца Ўсходняя Эўропа, на поўначы птушка селіцца да Цэнтральнай Фінляндыі, на поўдні да Чорнага мора. Зімуюць па ўзьбярэжжы Балтыйскага мора на вялікіх азёрах, а таксама на ўсходніх частках узбярэжжа Міжземнага мора.
Голас
[рэдагаваць | рэдагаваць крыніцу]Голас[2] шэрашчокай паганкі часьцей за ўсё чуваць у такавальны і гнездавальны пэрыяд.
Размнажэньне
[рэдагаваць | рэдагаваць крыніцу]Таксама як і вялікая паганка альбо чомга (Podiceps cristatus) шэрашчокая паганка мае яскрава вызначаныя такавальныя паводзіны. Гняздо птушка будуе з частак расьліннасьці, якія добра трымаюцца на паверхні вады, і хавае яго ў берагавой вэгетацыі. Напрыканцы красавіка ў гнязьдзе зьяўляюцца ад 4 да 5 яек. Зьявіўшыся на сьвет, птушаняты адразу ж пачынаюць уцякаць з гнязда, а ў першыя тыдні жыцьця перапраўляюцца разам з самкай на яе сьпіне.
Меры аховы
[рэдагаваць | рэдагаваць крыніцу]Да адной зь мераў аховы рэдкага віда адносіцца забарона адлову рыбы сеткамі на вадаёмах, дзе гнезьдзіцца шэрашчокая паганка[3].
Крыніцы
[рэдагаваць | рэдагаваць крыніцу]- ^ Красная книга Республики Беларусь. Серощекая поганка (рас.)
- ^ Голас шэрашчокай паганкі, mp3, даўжыня 40 с.
- ^ Серощёкая поганка (рас.) Красная Книга Челябинской области
Вонкавыя спасылкі
[рэдагаваць | рэдагаваць крыніцу] |
Гэты від занесены ў Чырвоную кнігу Рэспублікі Беларусь і ахоўваецца законам. |