Павал Бардукоў
| Павал Бардукоў | ||
| Пэрсанальная інфармацыя | ||
|---|---|---|
| Нарадзіўся | 10 красавіка 1993[1] (32 гады) | |
| Рост | 174 см | |
| Вага | 73 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Дняпро Магілёў | |
| Нумар | 20 | |
| Клюбы | ||
| Гады | Клюб | Гульні (галы)¹ |
| 2013—2018 | Дняпро Магілёў | 119 (19) |
| 2019—2020 | Белшына | 46 (3) |
| 2021— | Дняпро Магілёў | 93 (3) |
|
¹ Колькасьць гульняў і галоў за прафэсійны клюб лічыцца толькі | ||
Павал Бардукоў (нар. 10 красавіка 1993 году) — беларускі футбаліст, паўабронца магілёўскага «Дняпра».
Кар’ера
[рэдагаваць | рэдагаваць крыніцу]У 2009 годзе пачаў выступаць за дубль магілёўскага «Дняпро». На наступны год замацаваўся ў дублі, а ў cэзоне 2011 году дэбютаваў у Найвышэйшай лізе. Паводле вынікаў cэзону 2011 году «Дняпро» выбыў у Першую лігу і дубль быў расфармаваны. Павал пачаў выступаць за фарм-клюб «Дняпро-2» у Другой лізе. Па вяртаньні магілёўскага клюбу ў элітны дывізіён у 2013 годзе зноў пачаў выступаць за дубль, часам прыцягваўся да асноўнай каманды. У лютым 2014 году на два гады падоўжыў кантракт з клюбам[3]. У другой палове 2014 году замацаваўся ў пачатковым складзе магілёўцаў, аднак паводле вынікаў cэзону «Дняпро» зноў страціла месца ў найвышэйшым дывізіёне.
У 2015—2016 гадах быў трывалым гульцом асновы магілёўскай каманды ў Першай лізе. Паводле вынікаў cэзону 2016 году дапамог клюбу вярнуцца ў Найвышэйшую лігу. У сьнежні 2016 году падоўжыў кантракт з магілёўцамі на адзін год[4]. У cэзоне 2017 году ня меў трывалага месца ў асноўным складзе, часам заставаўся на лаўцы запасных. Зь лета 2018 году замацаваўся ў стартавым складзе, але ня здолеў выратаваць каманду ад вылету ў Першую лігу. У лютым 2019 году стала вядома пра аб’яднаньне «Дняпра» зь менскім «Промнем». Паўлу не знайшлося месца ў аб’яднанай камандзе, і неўзабаве ён выправіўся на прагляд у бабруйскую «Белшыну». У сакавіку 2019 году афіцыйна пакінуў «Дняпро»[5] і пазьней узмоцніў склад бабруйскага клюбу. Спачатку чаргаваў выхады ў першай адзінаццатцы і на замену, а зь верасьня трывала замацаваўся ў асноўным складзе і дапамог клюбу вярнуцца ў Найвышэйшую лігу.
У лютым 2020 году падоўжыў кантракт зь «Белшынай»[6]. Пачынаў cэзон 2020 году ў пачатковым складзе, пазьней пачаў радзей зьяўляцца на полі. У сьнежні 2020 году пакінуў бабруйскі клюб[7]. У студзені 2021 году трэнаваўся з магілёўскім «Дняпром» і ў лютым падпісаў зь ім кантракт[8]. Спачатку звычайна выступаў у стартавым складзе, зь ліпеня пачаў пераважна заставацца на лаўцы запасных ці выходзіць на замену. У студзені 2022 году падоўжыў пагадненьне з магілёўскім клюбам[9]. У cэзоне 2022 году рэгулярна зьяўляўся ў складзе каманды ў Найвышэйшай лізе. У сьнежні 2022 году падоўжыў кантракт з магілёўскім клюбам[10][11]. Паводле вынікаў cэзону 2023 году дапамог камандзе вярнуцца ў Найвышэйшую лігу. У студзені 2024 году зноў падоўжыў пагадненьне з «Дняпром»[12], зрабіўшы тое самае і праз год[13].
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дняпро Магілёў | 2015 | Першая ліга | 30 | 10 |
| 2016 | Першая ліга | 25 | 6 | |
| 2017 | Найвышэйшая ліга | 19 | 2 | |
| 2018 | Найвышэйшая ліга | 22 | 0 | |
Крыніцы
[рэдагаваць | рэдагаваць крыніцу]- ^ а б в Pavel Bordukov // Transfermarkt (мн.) — 2000.
- ^ а б https://www.pressball.by/footballstat/pavel_bordukov/
- ^ "Днепр" подписал Павла Челядко и продлил соглашения с Бордуковым и Журовым (рас.)
- ^ Левицкий, Рыбаков и еще три футболиста продлили контракты с могилевским «Днепром» (рас.)
- ^ Бордуков покинул «Днепр» и может перейти в «Белшину» (рас.)
- ^ Глебко, Харитонович и Ясюкевич подписали контракты с "Белшиной". Еще три игрока продлили соглашения с клубом (рас.)
- ^ "Белшину" покинуло 10 футболистов (рас.)
- ^ Терещенко, Бордуков и Жесткин подписали контракты с "Днепром-Могилев" (рас.)
- ^ "Днепр" продлил контракты с Журовым и Бордуковым (рас.)
- ^ Терещенко, Марков и еще пять игроков продлили контракты с "Днепром" (рас.)
- ^ Два игрока продлили контракты с "Днепром" (рас.)
- ^ Павел Бордуков продлил соглашение с "Днепром" (рас.)
- ^ Павел Бордуков продлил контракт с "Днепром" (рас.). Football.by (2025-02-18). Праверана 2025-03-23 г.
Вонкавыя спасылкі
[рэдагаваць | рэдагаваць крыніцу]- Профіль на сайце «Дняпра» (рас.)
- Статыстыка «ПБ-Инфо» (рас.)