Нарчэпінг

Нарчэпінг швэдз. Norrköping
Населены пункт
Ратуша
Герб
Краіна	Швэцыя
Геаграфія
Плошча	35,68 км²
Вышыня НУМ	0 м
Часавы пас	UTC+1 UTC+2 (летні час)
Каардынаты	58°36′ пн. ш. 16°12′ з. д.
Насельніцтва
Колькасьць	93 765 чал. (2015)
Афіцыйная мова	швэдзкая мова
Лічбавыя ідэнтыфікатары
Тэлефонны код	011
Паштовы індэкс	60x xx
Сайт	www.norrkoping.se
Нарчэпінг на мапе Швэцыі Нарчэпінг

Нарчэпінг (па-швэдзку: Norrköping) — горад у Швэцыі, прыкладна за 160 км на паўднёвы захад ад Стакгольму, у ляндскапе Эстэр’ётлянд і аднайменным лэне, у якім паводле колькасьці насельніцтва ён саступае толькі Лінчэпінгу, а таксама цэнтар камуны Нарчэпінг. Насельніцтва — 93 765 чалавек (2015 год).

Гісторыя

Будынак «Прас», у якім разьмешчаны Музэй працы

Нарчэпінг атрымаў гарадзкія прывілеі ў 1384 годзе. Росквіт гораду прыйшоўся на XVII стагодзьдзе, калі нідэрляндзкі (з сучаснай Бэльгіі) прадпрымальнік Люіс дэ Гээр заснаваў тут між іншым, папяровую фабрыку, некалькі фабрыкаў па вытворчасьці зброі, вопраткі, а таксама майстэрню караблёў. У гэты час Нарчэпінг быў другім паводле колькасьці насельніцтва горадам Швэцыі (цяпер толькі дзясяты). У 1719, у часе Вялікай Паўночнай вайны горад быў разбураны й разрабаваны расейскімі войскамі, аднак пасьля вайны й да канца XIX стагодзьдзя, працягваў заставацца другім паводле значнасьці горадам краіны. У тым самым 1719 годзе ў Нарчэпінгу была заснаваная найстарэйшая зь існых дагэтуль у Швэцыі газэтаў «Norrköpings tidningar». У XIX стагодзьдзі горад становіцца й значным цэнтрам вытворчасьці тэкстылю, і толькі ў 1970-я гг. страчвае свае пазыцыі ў гэтым кірунку. У XXI стагодзьдзі Нарчэпінг, разам з суседнім Лінчэпінгам утварае чацьверты паводле колькасьці насельніцтва й эканамічнай значнасьці Рэгіён Вялікіх гарадоў Швэцыі.

Транспарт

Нарчэпінг, разам з Стакгольмам, Гётэборгам і Люндам зьяўляецца адным з чатырох гарадоў Швэцыі, якія маюць свой трамвай.

Славутасьці

Клюмба кактусаў у парку Карла Югана

• Ратуша (1907—1910)
• Царква Ядвігі (Hedvigkyrka, 1673, пабудавана на месцы былога замку)
• Царква Сьв. Уляфа (1765—1767)
• Парк Карла Югана з помнікам гэтаму каралю й сусьветнавядомай клюмбай кактусаў (высаджваецца штогод у летні час)
• Музэй Працы
• Музэй Мастацтваў
• Музэй пэтрогліфаў у раёне Гімэльсталюнд
• Руіны замку Юганісборг (1614, разбураны расейцамі ў 1719)

Вонкавыя спасылкі

Нарчэпінг — сховішча мультымэдыйных матэрыялаў

• Камуна Нарчэпінг