Надзея Хадасевіч-Лежэ

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Надзя Лежэ
Nadia Léger.tif
Імя пры нараджэньні Надзея-Ванда Пятроўна Хадасевіч-Лежэ
Дата нараджэньня 4 кастрычніка 1904(1904-10-04)
Месца нараджэньня в. Асецішча Менская губэрня, Расейская імпэрыя
Дата сьмерці 7 лістапада 1982(1982-11-07)[1][2] (78 гадоў)
Месца сьмерці Парыж, Францыя
Адукацыя Акадэмія Мастацтваў у Варшаве
Занятак жывапіс
Узнагароды
Ордэн Працоўнага Чырвонага Сьцяга СССР афіцэр Ордэну Ганаровага Легіёну афіцэр ордэна Мастацтваў і літаратуры

Надзея (Надзея-Ванда) Пятроўна Хадасевіч-Лежэ, Надзя Лежэ (па-француску: Nadia Khodossievitch-Léger; лістапад 1902, 1904? в.Асецішча Барысаўскага павету Менскай губэрні[3], зараз Докшыцкі раён Віцебскай вобласьці—7 лістапада 1982, Парыж) — француская мастачка беларускага паходжаньня.

Нарадзілася ў вёсцы Асецішча Віцебскай губэрні, паводле іншых зьвестак у вёсцы Мажанка Менскай губэрні.

Напачатку 1920-х гадоў вучылася ва Ўладзіслава Страмінскага ў Смаленску, магчыма і ў Казімера Малевіча у Віцебску. У 1923 годзе з запрашэньня Страмінскага прыехала ў Варшаву, навучалася ў Акадэміі Мастацтваў у Варшаве. Выйшла замуж за мастака Станіслава Грабоўскага. У 1924 годзе разам з мужам пераехала ў Парыж.

Навучалася ў Акадэміі Сучаснага мастацтва (Académie Moderne), якую заснавалі Фэрнан Лежэ і Амадэ Азанфан. У 19271928 гадах удзельнічала ў выданьні француска-польскага часопісу «L’Art Contemporain — Sztuka Współczesna», дзе спалучалася паэзія і мастацтва. Ад 1926 году выстаўляла свае творы на выставах авангарднага мастацтва.

У 1932 годзе разьвялася з Грабоўскім і ў 1952 выйшла замуж за Фэрнана Лежэ.

Напрыканцы 1940-х гадоў яны пераехалі на жыхарства ў Gif-sur-Yvette каля Парыжа, дзе ўтрымоўвалі салён для мастакоў і паэтаў. Пасьля сьмерці Фэрнана Лежэ ў 1955 годзе ў асноўным займалася прапагандаваньнем ягонай творчасьці.

Памерла ў Парыжы.

Крыніцы[рэдагаваць | рэдагаваць крыніцу]

  1. ^ Nadia Léger — 2006. — ISBN 978-0-19-977378-7, 978-0-19-989991-3
  2. ^ RKDartists
  3. ^ Мастакі Парыжскай школы з Беларусі. Мінск. "Чатыры чвэрці", 2012. Наклад 300 экз.

Літаратура[рэдагаваць | рэдагаваць крыніцу]

  • Nadia Léger: Evolution Premiere, 1920—1926. Paris: Societe Revues et Publications, 1971.
  • Czwiklitzer C. Suprematism de Khodossievitch-Léger. Paris, 1972.
  • Дубенская Л. Рассказывает Надя Леже. Москва: Детская литература, 1978.