Міхал Сапель

Міхал Сапель
	Міхал Сапель
Род дзейнасьці	каталіцкі сьвятар
Дата нараджэньня	17 лістапада 1967
Месца нараджэньня	Браслаў, Віцебская вобласьць, БССР, СССР;
Дата сьмерці	10 сьнежня 2021 (54 гады)
Занятак	каталіцкі сьвятар

Міхал Са́пель (17 лістапада 1967 — 10 сьнежня 2021) — беларускі каталіцкі сьвятар, першы пробашч адроджанай парафіі Касьцёлу Найсьвяцейшай Тройцы (сьвятога Роха) на Залатой Горцы ў Менску.

Дзяцінства, адукацыя

Сапель нарадзіўся ў Браславе. Ягоны бацька быў праваслаўным і працаваў электрыкам, а маці каталічкай, якая працавала на мясцовым рыбазаводзе^[2]^[3].

У 1984 годзе ён паступіў у мэдычную вучэльню ў латвійскім Даўгаўпілсе, але праз год перавёўся ў духоўную сэмінарыю ў Рызе, якую пасьпяхова скончыў у 1990 годзе^[2]^[4].

Сьвятарская й іншая дзейнасьць

У 1990 годзе Сапель быў прызначаны вікарыем Касьцёлу Ўзвышэньня Сьвятога Крыжа на Кальварыйскіх могілках у Менску. Пазьней ён атрымаў ад арцыбіскупа і будучага кардынала Казімера Сьвёнтка заданьне душпастырскай апекі над тымі, хто ў Менску жадаў маліцца па-беларуску: «Ты мусіш заняцца беларусамі»^[4].

Дзякуючы грамадзка-палітычным пераменам на пачатку 1990-х гадоў аднавіліся набажэнствы ў адной з забраных савецкімі ўладамі менскіх сьвятынь — Касьцёле Найсвяцейшай Тройцы (Сьвятога Роха) на Залатой Горцы^[2]^[4]. У 1990-я парафія "стала сапраўды залатым месцам, дзе зьбіралася шмат [беларускай] выбітнай інтэлігенцыі"^[3].

Сапель разьвіваў мэтадычную працу па перакладзе літургічных тэкстаў на беларускую мову, галоўным плёнам якой стаў выдадзены ў 2004 годзе «Рымскі Імшал для дыяцэзій на Беларусі». Таксама ён наладжваў дабрачынную дзейнасьць — у 1991 годзе ў Менску зьявілася свая арганізацыя Caritas, якая праз некалькі год стварыла дзіцячы цэнтар у Ляскоўцы^[2]^[4]. У 1992 годзе было наладжана выданьне часопіса «Хрысьціянская думка»^[3].

Акрамя парафіі на Залатой Горцы, Сапель да 1996 году быў пробашчам парафіі ў Ракаве і пэўны час з душпастырскай неабходнасьці служыў вернікам у Заслаўі^[2]^[4].

Сьмерць

Сапель памёр 10 сьнежня 2021 на 55-м годзе жыцця.

Крыніцы

^ https://catholic.by/3/news/belarus/14080-adyshou-u-vechnasts-ksjondz-mikhal-sapel
^ ^а ^б ^в ^г ^д Адышоў у вечнасць ксёндз Міхал Сапель (+праграма развітання і пахавання), 10.12.2021, Catholic.by Памылка цытаваньня: Няслушны тэг <ref>; назва «:0» вызначаная некалькі разоў з розным зьместам
^ ^а ^б ^в Кс. Міхал Сапель: «У святарскім жыцці трэба прытрымлівацца здаровых традыцый і прынцыпаў», Беларусь — Мінска-Магілёўская архідыяцэзія,12.06.2015
^ ^а ^б ^в ^г ^д Памёр ксёндз Міхаіл Сапель — першы пробашч адроджанай парафіі святога Роха на Залатой Горцы, 10.12.2021, Наша Ніва

[_8dcd28f15e9a6837-1] ttps://catholic.by/3/news/belarus/14080-adyshou-u-vechnasts-ksjondz-mikhal-sapel

[:0-2] а ^б ^в ^г ^д Адышоў у вечнасць ксёндз Міхал Сапель (+праграма развітання і пахавання), 10.12.2021, Catholic.by Памылка цытаваньня: Няслушны тэг <ref>; назва «:0» вызначаная некалькі разоў з розным зьместам

[:1-3] а ^б ^в Кс. Міхал Сапель: «У святарскім жыцці трэба прытрымлівацца здаровых традыцый і прынцыпаў», Беларусь — Мінска-Магілёўская архідыяцэзія,12.06.2015

[:2-4] а ^б ^в ^г ^д Памёр ксёндз Міхаіл Сапель — першы пробашч адроджанай парафіі святога Роха на Залатой Горцы, 10.12.2021, Наша Ніва

[1]

[2]

[3]

[4]