Мікалай Казакоў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вікіпэдыя мае артыкулы пра іншых асобаў з прозьвішчам Казакоў.
Мікалай Пятровіч Казакоў
Николай Петрович Казаков
13 жніўня 195311 красавіка 1991
Miesca hibeli Mikalaja Kazakova.JPG
Помнік з хваста самалёта на месцы гібелі Мікалая Казакова
Месца нараджэньня Прэабражэнскае, Прыморскі край, СССР
Месца сьмерці Ружанская пушча, БССР, СССР
Прыналежнасьць СССР
Род войскаў авіяцыя
Гады службы да 1991
Званьне падпалкоўнік
Частка 206-ы ашап 26-й паветранай арміі (БВА)
Узнагароды
Ордэн Чырвонай Зоркі

Мікала́й Пятро́віч Казако́ў (13 жніўня 1953, Прэабражэнскае, цяпер у Прыморскім краі Расеі — 11 красавіка 1991, Ружанская пушча, Пружанскі раён Берасьцейскай вобласьці) — савецкі вайсковы лётчык першае клясы, падпалкоўнік, удзельнік вайны ў Аўганістане.

Жыцьцяпіс[рэдагаваць | рэдагаваць крыніцу]

Вайсковую службу праходзіў у авіяцыі. Скончыў Качынскую вышэйшую вайсковую авіяцыйную вучэльню лётчыкаў (1975)[1].

Пасьпяхова прайшоў усе неабходныя выпрабаваньні і паступіў у атрад касманаўтаў, аднак даведаўшыся, што ягоны авіяцыйны полк накіраваны ў Аўганістан, падаў рапарт на адлічэньне дзеля службы ў родным палку. За час знаходжаньня ў Аўганістане Мікалай Казакоў зьдзейсьніў 157 баявых вылетаў, быў узнагароджаны ордэнам Чырвонае Зоркі.

За 20-гадовы тэрмін службы засвоіў пілятаваньне шасьці тыпаў самалётаў: Ан-2, Л-29, Л-39, МіГ-15, МіГ-21 і Су-25. Зьдзейсьніў 3873 палёты агульнай працягласьцю 2150 гадзін, дасканала выконваў фігуры вышэйшага пілятажу: гарызантальную бочку, пераварот, пятлю Несьцерава.

Гібель[рэдагаваць | рэдагаваць крыніцу]

11 красавіка 1991 року камандзір 1-й эскадрыльлі 206-га асобнага штурмавога авіяпалку 26-й паветранай арміі БВА[2] падпалкоўнік Мікалай Казакоў на сваім летаку Су-25 (бартавы нумар 401) выконваў трэніровачны палёт. Пасьля пуску ракет па наземных мэтах на Ружанскім палігоне не спрацавалі супрацьпампажныя сыстэмы рухавікоў самалёту. Пілёт не катапультаваўся, да апошняга намагаючыся ўратаваць машыну, а пасьля цывільнае насельніцтва. Пераляцеўшы празь вёску Клепачы, аб 11:42 самалёт рухнуў у Ружанскай пушчы за 300 м ад населенага пункту.

Пахаваны на могілках у мястэчку Прэабражэнскае Прыморскага краю (Расея).

Ушанаваньне памяці[рэдагаваць | рэдагаваць крыніцу]

На месцы гібелі пілёта ў Ружанскай пушчы ўсталяваны помнік з хваста самалёта.

У Прэабражэнскім імя Мікалая Казакова носіць сярэдняя школа №10. Шторок 11 красавіка ў Музэі гісторыі Прэабражэнскай базы тралавага флёту ладзіцца Дзень памяці Мікалая Казакова.

Сям’я[рэдагаваць | рэдагаваць крыніцу]

Маці Марыя Фёдараўна і брат Леанід жывуць у пасёлку Прэабражэнскае. Дачка Яўгенія скончыла вайсковую акадэмію і працуе вайсковым юрыстам.

Крыніцы[рэдагаваць | рэдагаваць крыніцу]

  1. ^ Лётчик — качинец Казаков Николай Петрович(рас.) Качинец Праверана 1 траўня 2012 г.
  2. ^ 201-й авиационный полигон «Ружанский»(рас.) Всё о Ружанах Праверана 30 красавіка 2012 г.

Вонкавыя спасылкі[рэдагаваць | рэдагаваць крыніцу]