Марэк Грывік

Марэк Грывік
Рост	185 см
Вага	93 кг
Пазыцыя	нападнік
Кідок/Ловы	левы[d]
Грамадзянства	Славаччына
Дата нараджэньня	28 жніўня 1991(1991-08-28) (34 гады)
Месца нараджэньня	Чадца[d], Жылінскі край
Клюб	Віткавіцы
Выступаў за	Орандж-20 Гартфард Ўулф Пак Нью-Ёрк Рэйнджарз Стоктан Гіт Калгары Флэймз Віцязь Тарпэда Лександ
Гульнявая кар’ера	2008 — цяпер

Марэк Грывік (па-славацку: Marek Hrivík; нар. 28 жніўня 1991 году) — славацкі хакеіст, нападнік чэскага клюбу «Віткавіцы».

Кар’ера

Нападнік хутка пасьля пачатку кар’еру выправіўся за акіян, дзе спачатку спаборнічаў у Квэбэцкай галоўнай юніёрскай хакейнай лізе. Пасьля абараняў колеры клюбу «Канэктыкут Ўэйл», які пасьля стаў менавацца як «Гартфард Ўулф Пак» з Амэрыканскай хакейнай лігі. Дэбютаваў у НХЛ у складзе «Нью-Ёрк Рэйнджарз» у матчы супраць «Дэтройт Рэд Ўінгс» 21 лютага 2016 году, аднак за клюб амаль не гуляў. Улетку 2017 году ўзгодніў кантракт з «Калгары Флэймз», аднак пераважна гуляў за клюб «Стоктан Гіт» з АХЛ. Пасьля гуляў у Расеі, а пазьней далучыўся да швэдзкага «Лександу».

25 красавіка 2025 году Грывік пераехаў бліжэй да дому, падпісаўшы трохгадовы кантракт з чэскім клюбам «Віткавіцы». Чэскі горад Острава, дзе месьціцца клюб, стаіць менш чым за 50 кілямэтраў ад ягонага роднага гораду Чадцаў.

Вонкавыя спасылкі

• Старонка на Elite Prospects.
• Старонка на NHL.com.
• Старонка на The Internet Hockey Database.