Марцін Арцюх
| Марцін Арцюх | ||
| Пэрсанальная інфармацыя | ||
|---|---|---|
| Нарадзіўся | 6 траўня 1996[1] (28 гадоў) | |
| Рост | 174 см | |
| Вага | 68 кг[1] | |
| Пазыцыя | паўабаронца | |
| Клюбная інфармацыя | ||
| Клюб | Баранавічы | |
| Нумар | 77 | |
| Клюбы | ||
| Гады | Клюб | Гульні (галы)¹ |
| 2018 | Слонім-2017 | 14 (2) |
| 2018—2019 | Гарадзея | 7 (0) |
| 2020 | Слонім-2017 | 21 (2) |
| 2021 | Баранавічы | 28 (9) |
| 2022—2023 | Іслач | 20 (3) |
| 2023—2024 | Дняпро Магілёў | 30 (9) |
| 2024— | Баранавічы | 12 (5) |
|
¹ Колькасьць гульняў і галоў за прафэсійны клюб лічыцца толькі | ||
Марцін Арцюх (нарадзіўся 6 траўня 1996 году) — беларускі футбаліст, паўабаронца «Баранавічаў».
Кар’ера
[рэдагаваць | рэдагаваць крыніцу]Да 2018 году не гуляў на прафэсійным узроўні, выступаючы за родную ваўкавыскую «Зьмену» ў чэмпіянаце Гарадзенскай вобласьці. У пачатку 2018 году поруч з аднаклюбнікам Вадзімам Дзярнейкам праходзіў прагляд у клюбе Першай лігі «Слонім-2017» і ў выніку пачаў у ягоным складзе cэзон 2018 году. У складзе слонімскай каманды трывала зьяўляўся на полі, пераважна выходзячы на замену.
У жніўні 2018 году быў запрошаны на прагляд у «Гарадзею» і неўзабаве падпісаў кантракт[2]. Дэбютаваў у Найвышэйшай лізе 24 верасьня 2018 году ў матчы супраць гарадзенскага «Нёмана» (0:2), выйшаўшы на замену ў канцы сустрэчы. У cэзоне 2018 году яшчэ чатыры разы выйшаў на замену ў асноўнай камандзе, гуляў таксама за дубль, у лістападзе адсутнічаў праз пашкоджаньні. У cэзоне 2019 году гуляў перадусім за дубль «Гарадзеі», зрэдку прыцягваўся да асноўнай каманды, часам адсутнічаў праз траўмы. У сьнежні 2019 году падоўжыў кантракт з «Гарадзеяй» на два гады[3], аднак у красавіку 2020 году на ўзаемную згоду зышоў з каманды[4] і неўзабаве вярнуўся ў «Слонім-2017»[5], дзе спачатку выходзіў на замену, а хутка замацаваўся ў пачатковым складзе.
У сакавіку 2021 году далучыўся да «Баранавічаў», дзе стаў адным з асноўных гульцоў. Паводле вынікаў cэзону 2021 году з 9 галамі быў найлепшым бамбардзірам каманды. У студзені 2022 году выправіўся на прагляд у «Іслач» і ў выніку падпісаў кантракт з клюбам[6]. У складзе каманды пераважна выходзіў на замену. У жніўні 2023 году пакінуў «Іслач»[7] і хутка стаў гульцом магілёўскага «Дняпра»[8]. У жніўні 2024 году пакінуў магілёўскі клюб[9] і перайшоў у «Баранавічы»[10].
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Слонім-2017 | 2018 | Першая ліга | 14 | 2 |
| Гарадзея | Найвышэйшая ліга | 5 | 0 | |
Крыніцы
[рэдагаваць | рэдагаваць крыніцу]- ^ а б в г д е ё https://fcisloch.by/player.asp?id=Martin-Artjuh-593&season=2023MEN
- ^ Артюх стал игроком "Городеи"
- ^ "Городея" продлила контракт с Мартином Артюхом на 2 года
- ^ Артюх покинул "Городею"
- ^ Артюх вернулся в "Слоним-2017"
- ^ Форвард Артюх поставил подпись под двухлетним контрактом с "Ислочью"
- ^ Мартин Артюх простился с "Ислочью" (рас.) Праверана 2023-08-01 г.
- ^ Артюх продолжит карьеру в "Днепре" (рас.) Праверана 2023-08-03 г.
- ^ Мартин Артюх покинул "Днепр" (рас.)
- ^ Экс-нападающий "Днепра" перешел в "Барановичи" (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)