Максімільян Маркс

Максімільян Маркс
Дата нараджэньня	7 (19) кастрычніка 1816 або 1816
Месца нараджэньня	Віцебск, Расейская імпэрыя
Дата сьмерці	1893
Месца сьмерці	Енісейск[d], Енісейская губерня[d], Расейская імпэрыя
Месца вучобы	Віцебская мужчынская гімназія[d]
Занятак	настаўнік, натураліст, мэтэароляг, мэмуарыст
Месца працы	4-я Маскоўская гімназія[d]

Вікіпэдыя мае артыкулы пра іншых асобаў з прозьвішчам Маркс (неадназначнасьць).

Максімільян Восіпавіч Маркс (19 кастрычніка [ст. ст. 7 кастрычніка] 1816, Віцебск — 1893) — удзельнік паўстаньня Кастуся Каліноўскага, дасьледнік Сыбіры, мэмуарыст.

Жыцьцяпіс

Скончыў Віцебскую гімназію (1834), вучыўся ў Маскоўскім унівэрсытэце (ня скончыў). Працаваў выкладчыкам.

Арыштаваны па падазрэньні ў сувязях з паўстанцамі. У сьнежні 1863 — лютым 1864 сядзеў у Петрапаўлаўскай крэпасьці. Выпушчаны пад негалосны нагляд. У 1866 року арыштаваны па справе Д. У. Каракозава, які зьдзейсьніў няўдалы замах на расейскага імпэратара Аляксандра II. 24 верасьня 1866 пазбаўлены ўсіх правоў і высланы ў Сыбір.

Жыў у Енісейскай губэрні, з 1869 — у Енісейску. У лютым 1879 року былыя правы вернутыя, у 1880 вызвалены з-пад нагляду, атрымаў права выбару месца пражываньня, за выняткам сталіцаў, сталічных і Таўрыцкай губэрняў.

Памёр у Енісейску.

Дзейнасьць

У Енісейску заснаваў першую сыбірскую мэтэастанцыю.

Сябра Расейскага геаграфічнага таварыства, за карысныя працы па мэтэаралёгіі і прамер ракі Енісей адзначаны залатым мэдалём (1878).

Вонкавыя спасылкі

• Віцебская абласная бібліятэка(недаступная спасылка)
• Яндэкс-слоўнікі(недаступная спасылка) (рас.)