Лярабанга (мячэт)

Мячэт
Лярабанга Larabanga
Краіна	Гана
Вёска	Лярабанга
Каардынаты	9°13′04″ пн. ш. 1°51′30″ з. д.
Канфэсія	іслам
Тып будынка	мячэт
Архітэктурны стыль	Sudano-Sahelian architecture[d]
Дата заснаваньня	XVII стагодзьдзе
Статус	Ghana’s material cultural heritage[d]
Лярабанга на мапе Ганы Лярабанга
Лярабанга на Вікісховішчы

Мячэ́т Лярабанга — мячэт «суданскага» стылю ў вёсцы Лярабанга (Гана), помнік глінянай архітэктуры. Заснаваны ў сярэдзіне XVII стагодзьдзя (паводле іншых зьвестак — у XIII або ў XV стагодзьдзі) вандроўнымі мусульманамі-гандлярамі.

Мінуўшчына

Няякасная рэстаўрацыя, праведзеная ў 1970-х, нанесла будынку значныя пашкоджаньні. У 2000 падчас моцнага шторму адзін зь мінарэтаў абваліўся. Як вынік, мячэт у тым самым року быў занесены ў Сьпіс сусьветных славутасьцяў пад назіраньнем Фундацыі сусьветных славутасьцяў. Пасьля гэтага адбылася яго рэстаўрацыя на сродкі гранту American Express, што адначасна стала штуршком да разьвіцьця забытае тэхнікі пабудовы з гліны.

Апісаньне

Мячэт мае чатыры ўваходы — асобна для старэйшынаў, мужчын, жанчын і муэддына. У яго, у адрозьненьне ад большасьці мячэтаў у сьвеце, маюць права заходзіць немусульмане, што прываблівае сюды турыстаў.

У мячэце захоўваецца Каран, датаваны прыкладна XVII стагодзьдзем.

Літаратура

• Larabanga Mosque: A Ghanaian Treasure Reborn // ICON Magazine. — Winter 2003/2004. — С. 37.

Вонкавыя спасылкі

Лярабанга (мячэт) — сховішча мультымэдыйных матэрыялаў

• Сусьветны фонд славутасьцяў (анг.)