Люіза Буржуа

Люіза Буржуа
	Люіза Буржуа
Дата нараджэньня	25 сьнежня 1911
Месца нараджэньня	Парыж, Францыя
Дата сьмерці	31 траўня 2010 (98 гадоў)
Месца сьмерці	Нью-Ёрк, ЗША
Прычына сьмерці	інфаркт міякарда
Месца пахаваньня	Cutchogue Cemetery[d];
Адукацыя	Сарбона, Школа Люўра, Школа вытанчаных мастацтваў
Месца вучобы	Нацыянальная вышэйшая школа прыгожых мастацтваў[d] (1938); Ліга студэнтаў-мастакоў Нью-Ёрку[d]; Акадэмія Жуліяна[d] (1938); Ліцэй Фенелона[d] (1927); Акадэмія дэ ла Гранд Шам’ер[d] (1938); Парыскі ўнівэрсытэт[d] (1935); Школа Люўра[d]; Atelier 17[d]; Académie Moderne[d];
Занятак	скульптура, жывапіс, графіка, інсталяцыя
Навуковая сфэра	скульптура
Месца працы	Бруклінскі коледж[d];
Псэўданімы	Bourgeois, Louise Joséphine, Goldwater, Louise Bourgeois і Goldwater, Mrs. Robert
Сябра ў	Амэрыканская акадэмія мастацтваў і літаратуры[d], Амэрыканская акадэмія мастацтваў і навук[d] і American Abstract Artists[d]
Жанры	збор[d], фігуратыўнае мастацтва[d] і абстракцыянізм
Плынь	мадэрнізм, сюррэалізм,
Узнагароды	«Залаты леў» Вэнэцыянскай біенале (1999); Імпэратарская прэмія (1999); Прэмія Вольфа ў мастацтве (2002—2003)
	Люіза Буржуа ў Вікісховішчы

Люіза Жазэфіна Буржуа (па-француску: Louise Joséphine Bourgeois; 25 сьнежня 1911 году, Парыж, Францыя — 31 траўня 2010 году, Нью-Ёрк, ЗША) — амэрыканскі скульптар, жывапісец і графік францускага паходжаньня.

Біяграфія

У 1932 годзе Буржуа паступіла ў Сарбону, дзе вывучала матэматыку, ад начартальнай геамэтрыі перайшла да геамэтрычнага кубізму, пакінула вучобу, вывучала мастацтвазнаўства ў Школе Люўру і ў Школе прыгожых мастацтваў, асіставала Фэрнану Лежэ, захапілася левымі ідэямі, сюррэалізмам, канструктывізмам і камунізмам. Наведала Савецкі Саюз. Пачала вывучаць мастацтва ў 1936 годзе. У 1938 годзе выйшла замуж за амэрыканскага мастацтвазнаўца Робэрта Галдўотэра, экспэрта па першабытнаму мастацтву, які стаў першым дырэктарам нью-ёрскага музэю першабытнага мастацтва ў 1957 годзе. У 1939 годзе разам з мужам пераехала ў Нью-Ёрк.

У ЗША яна зьвярнулася да скульптуры. У 1947 годзе Буржуа зрабіла першую вэртыкальную скульптуру з дрэва, першая выстава ейных скульптураў прайшла ў 1949 годзе. У 1951 годзе памёр бацька мастачкі, Люіза Буржуа атрымала амэрыканскае грамадзянства. З 1966 году стала ўдзельніцай фэміністычнага руху. У 1967 годзе Буржуа пачала выкарыстоўваць мармур і бронзу пры стварэньні скульптураў. З 1972 году мастачка рэгулярна наведвала Італію. У 1973 годзе памёр муж. У 1977 годзе мастачка атрымала ганаровую ступень доктара вытанчаных мастацтваў Ельскага ўнівэрсытэта. У 1980 годзе Буржуа купляе вялікую студыю ў Брукліне. У 1982 годзе прайшла першая рэтраспэктыва мастачкі ў Музэі сучаснага мастацтва ў Нью-Ёрку. У 1985 годзе адбылася першая пэрсанальная выстава мастачкі ў Францыі. У 1992 годзе Буржуа паказала першы скульптурны энвайранмэнт. У 1993 годзе прадставіла ЗША на Вэнэцыянскім біенале. У 2001—2002 гадох у Эрмітажы прайшла выстава працаў Буржуа — скульптураў, прадметаў і літаграфіяў.

Літаратура

Armstrong, Carol (2006). Women Artists at the Millennium. October Books. p. 408. ISBN 0-262-01226-X.
Herskovic, Marika (2003). American Abstract Expressionism of the 1950s: An Illustrated Survey. New York School Press. p. 372. ISBN 0-9677994-1-4.

Вонкавыя спасылкі

Люіза Буржуа — сховішча мультымэдыйных матэрыялаў

Злучыць^?

[_a77c196294e6e1f7-1] ttp://atelier17.christinaweyl.com/artist-biographies/louise-bourgeois/

[_9bad70877d362c3b-2] ttps://oneartyminute.com/lexique-artistique/academie-de-lart-moderne?srsltid=AfmBOor2PmwvPNR1T1axpAw_JvfLv-hCtKORW3muXUmKnsljBng9FNKU

[_d3e57e0ad2021cc3-3] а ^б ^в https://mix-n-match.toolforge.org/#/entry/115931510

[_cca2660c44324833-4] ttp://americanabstractartists.org/current-members/past/

[_bd277ecff5104f0f-5] а ^б ^в Louise Bourgeois // Encyclopædia Britannica (анг.)

[1]

[2]

[3]

[4]

[5]