Людвінова (Летува)

Людвінова
лет. Liudvinavas
Местачковая вуліца
Герб Людвінова Сьцяг Людвінова
Магдэбурскае права:	1719
Краіна:	Летува
Павет:	Мар’ямпальскі
Раён:	Мар’ямпальскае самакіраваньне
Вышыня:	87 м н. у. м.
Насельніцтва:	1055 чал. (2001)
Часавы пас:	UTC+2
летні час:	UTC+3
Геаграфічныя каардынаты:	54°29′0″ пн. ш. 23°21′10″ у. д.
Людвінова на мапе Летувы Людвінова
Галерэя здымкаў у Вікісховішчы

Людвіно́ва (лет. Liudvinavas) — мястэчка ў Мар’ямпальскім самакіраваньні Летувы, на рацэ Шэшупе. Адміністрацыйны цэнтар Людвіноўскага староства. Насельніцтва на 2001 год — 1055 чалавек. Знаходзіцца за 10 км на поўдзень Мар’ямпалю.

Людвінова — магдэбурскае мястэчка гістарычнай Ковеншчыны, якое ўлады Летувы абвясьцілі часткай этнаграфічнага рэгіёну «Сувалкія».

Назва

Асноўны артыкул: Лютвін

Людвін або Лютвін (Liuduin, Liutwin) — імя германскага паходжаньня.

Гісторыя

Мескі герб з каралеўскага прывілею (1792)

Першыя пісьмовыя згадкі пра паселішча датуюцца XVIII стагодзьдзем, уваходзіла ў склад Пунскага староства Ковенскага павету Вялікага Княства Літоўскага. У 1715 годзе тут збудавалі драўляны касьцёл.

У 1719 годзе кароль і вялікі князь Аўгуст II надаў паселішчу Магдэбурскае права і статус мястэчка.

10 кастрычніка 1791 году кароль і вялікі князь Станіслаў Аўгуст Панятоўскі надаў Людвінову герб з выявай «Пагоні» і Генія, што трымае ў адной руцэ меч, а ў другой — шалі.

У выніку трэцяга падзелу Рэчы Паспалітай (1795 год) апынулася ў складзе Прусіі.

З 1918 году ў складзе Летувы.

Славутасьці

• Касьцёл Сьвятога Людвіка (1918)

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2010. — Т. 3: Дадатак А — Я. — 690 с. — ISBN 978-985-11-0487-7
• Людвиново // Энциклопедический словарь Брокгауза и Ефрона: В 86 томах (82 т. и 4 доп.). СПб, 1890—1907.