Людамір Міхал Рагоўскі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Людамір Міхал Рагоўскі (па-польску: Ludomir Michał Rogowski; 3 кастрычніка.1881, г. Люблін, Польшча — 14 сакавіка 1954) — польскі кампазытар і дырыжэр.

Скончыў Варшаўскую кансэрваторыю (1906). У 1909-12 працаваў дырыжэрам у Вільні. Творчасьць цесна зьвязана зь беларускай музычнай культурай: кіраваў хорам у Беларускім музычна-драматычным гуртку, ствараў музычнае афармленьне да спэктакляў трупы І. Буйніцкага, склаў «Беларускі песеньнік з нотамі для народных і школьных хароў» (выд. ў 1911), куды ўключыў і ўласныя апрацоўкі беларускіх народных песень. Аўтар 7 сымфоніяў, 6 опэраў, 2 балетаў, у т.л. «Купала» (паст. 1926, Варшава), сымфанічных паэмаў і сюітаў, у т.л. Беларускай сюіты для сымфанічнага аркестру (1910), камэрных, харавых, у т.л. на верш Я. Купалы «А хто там ідзе?» (1910) і іншых твораў. 3 1925 жыў у Дуброўніку (Харватыя).