Луцкі замак

Замак Любарта ў Луцку

Замак у Луцку, замак Любарта — адзін з самых прадстаўнічых замкаў Вялікага Княства Літоўскага, менавіта таму Вітаўт абраў яго для каранацыйнага зьезду, які мусіў пераўтварыць яго ў караля на чале каралеўства Літоўскага.

• 10—11 стагодзьдзі — насыпаны вал і ўзьведзены драўляны замак.
• 1259 — разрабаваны мангольскім ханам Бурундаем.
• 1352—1366 — Валынскі князь Любарт Гедзімінавіч замяніў большасьць драўляных умацаваньняў мураванымі.
• 1370—1385 — дабудавана Ўязная вежа, распачата будаўніцтва Стыравой вежы.
• Пачатак 15 стагодзьдзя — Вітаўт завяршыў будаўніцтва замка. Комплекс складаўся з трох вежаў: Уязной, Уладычай і Стыравой, які былі злучаны праслам мураванай сьцяны. Унутры замка існаваў таксама мураваны палац.
• 1429 — у замку адбыўся зьезд эўрапейскіх манархаў і меркавалася правесьці каранацыю Вітаўта, чаму перашкодзілі палякі, не прапусьціўшы карону празь межы свайго каралеўства.
• 1930-я — у замку былі праведзены кансэрвацыйныя працы.
• 1970—1977 — замак цалкам рэстаўраваны.

Выява Луцкага замка месьціцца на ўкраінскай купюры вартасьцю 200 грыўнаў.

Выявы

• 
  Замак ўначы
• 
  Панарама замку
• 
  Адноўленая сьцяна Акольнага замку

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0

Вонкавыя спасылкі

Луцкі замак — сховішча мультымэдыйных матэрыялаў

• Падарожжа да Луцкага замку.