Ловаць

Рака
	Ловаць
	Рака Ловаць каля Вялікіх Лукаў
Агульныя зьвесткі
Выток	возера Завесна
Вусьце	возера Ільмень
Краіны басэйну	Беларусь, Расея
Вобласьці	Віцебская вобласьць, Пскоўская вобласьць і Наўгародзкая вобласьць
Даўжыня	536 км
Сярэднегадавы сьцёк	150 м³/с
Плошча басэйну	21,9 тыс. км²
Нахіл воднай паверхні	0,16 ‰
	Галерэя здымкаў у Вікісховішчы

Ло́ваць — рака ў Гарадоцкім раёне Віцебскай вобласьці Беларусі, Пскоўскай і Наўгародзкай абласьцях Расеі, у басэйне ракі Нявы. Даўжыня 536 км. Плошча вадазбору 21,9 тыс. км². Выдатак вады ў вусьці каля 150 м³/с, на граніцы Беларусі і Расеі каля 2,5 м³/с. Сярэдні нахіл воднай паверхні 0,16‰, у Беларусі 0,6‰.

Асноўныя прытокі

Правыя: Сярвайка, Пясчанка, Кунья
Левыя: Склянка, Насва, Локня, Рэдзьдзя, Полісьць

На рацэ

Агульныя зьвесткі

Выцякае з возера Ловацец (Пскоўская вобласьць), упадае ў возера Ільмень з поўдня. Паводле іншых крыніцаў пачынаецца з возера Завесна за 3,5 км на паўднёвы ўсход ад вёскі Марчанкі Гарадоцкага раёну. Цячэ ў межах Беларусі (даўжыня 47 км) па Гарадоцкім узвышшы, праз азёры Задрач, Мяжа, Сосна, Чарняста і Сясіта, Валдайскім узвышшам і ў ніжняй плыні Ільменскай нізінай.

Даліна ад вытоку да возера Мяжа невыразная (абалона забалочаная), паміж азёрамі Сосна, Чарняста і Сясіта трапэцападобная (абалона роўная, лугавая). Рэчышча да возера Мяжа зьвілістае, да возера Задрач яго шырыня 3—5 м, ніжэй 5—10 м.

Суднаходная ў нізоўі на працягу 70 км. Ракой у старажытнасьці праходзіла частка Шляху з варагаў у грэкі^[1].

Крыніцы

^ Блакітная кніга Беларусі. Энцыкл. — Мн.: 1994. С. 223

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1999. — Т. 9: Кулібін — Малаіта. — 560 с. — ISBN 985-11-0155-9
Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 223

Вонкавыя спасылкі

Ловаць — сховішча мультымэдыйных матэрыялаў

[1] Блакітная кніга Беларусі. Энцыкл. — Мн.: 1994. С. 223

[1]