Левэнгаўпт
| Левэнгаўпты | |
| Lewenhaupt | |
 Герб шляхецкіх радоў Левэнгаўпт і Леёнгувуд | |
| Тытул | графы |
|---|---|
| Краіна паходжаньня | Швэцыя |
| Першы з роду | Дзеці Аксэля Стэнсана (Леёнгувуда) |
| Адгалінаваньне роду | Леёнгувуд |
Левэнгаўпт (па-швэдзку: Lewenhaupt) — старажытны швэдзкі арыстакратычны (графскі) род, пад нумарам 2 сярод графаў, найбольш прадстаўнічы ў Швэдзкім рыцарскім доме, пасьля таго, як у 1930 вымерлі графы Брагэ. Род Левэнгаўптаў зьяўляецца адгалінаваньнем аднаго з найбольш старажытных швэдзкіх шляхецкіх родаў — Леёнгувудаў. Дзеці графа Аксэля Стэнсана (Леёнгувуда), у якіх маці была немкай і якія мелі шэраг маёнткаў у Пфальцы й Эльзасе, пісалі сваё прозьвішча на нямецкі лад: Levenkopff, Loewenkopf, von Löwenhaupt, што зьяўляецца перакладам са швэдзкай і азначае па-беларуску «ільвіная галава». «Löwenhaupt» сталі ў Швэцыі вымаўляць і пісаць як «Lewenhaupt». Многія прадстаўнікі роду сталі генэраламі і вызначыліся ў шматлікіх войнах XVII—XVIII стагодзьдзяў.
Вядомыя прадстаўнікі роду
[рэдагаваць | рэдагаваць крыніцу]- Густаў Адольф Левэнгаўпт (1619–1656) — швэдзкі граф, вайсковы дзяяч
- Карл Маўрыц Левэнгаўпт (1620-1666) — швэдзкі граф, вайсковы дзяяч, фэльдмаршал
- Адам Людвіг Левэнгаўпт (1659-1719) — швэдзкі граф, вайсковы дзяяч, генэрал
- Стэн Левэнгаўпт (1882-1969) — швэдзкі граф, дыплямат, архіварыюс
- Густаў Левэнгаўпт (1879-1962) — швэдзкі граф, вайскоўца, каралеўскі прыдворны, спартоўца (пераможца Летніх Алімпійскіх гульняў 1912 году ў Стакгольме ў камандным заліку ў канкуры)